प्रकाशित मिति : फाल्गुन २७, २०८१ मंगलबार
अमेरिकी र युक्रेनी उच्च अधिकारीहरूबीचको बैठक आज साउदी अरेबियाको जेद्दास्थित रिट्ज-कार्लटन होटलमा सुरु भएको छ।
बैठकको क्रममा अमेरिकी सैन्य सहायता रोकिएको विषय र युक्रेनको आंशिक युद्धविराम प्रस्तावबारे पत्रकारहरूले प्रश्न गर्न खोजे पनि अधिकारीहरूले कुनै प्रतिक्रिया दिएनन्। वार्ता लामो काठको टेबलमा आमनेसामने बसेर भइरहेको छ।
बैठकमा साउदी अरेबियाका राष्ट्रिय सुरक्षा सल्लाहकार र विदेश मन्त्री प्रमुख स्थानमा बसेका छन्। अमेरिकी पक्षबाट विदेश मन्त्री मार्को रुबियो र राष्ट्रिय सुरक्षा सल्लाहकार माइक वाल्ट्ज सहभागी छन्।
युक्रेनी प्रतिनिधिमण्डलको नेतृत्व राष्ट्रपति भोलोडिमिर जेलेन्स्कीका शीर्ष सहयोगी आन्द्रिय यर्माकले गरेका छन्। उनीसँगै विदेश मन्त्री आन्द्रिय सिबिहा र रक्षा मन्त्री रुस्तेम उमेरोभ पनि बैठकमा उपस्थित छन्।