प्रकाशित मिति : फाल्गुन ५, २०८१ सोमबार
लोकतान्त्रिक गणतन्त्र कंगोका विद्रोहीहरुले दोस्रो ठूलो शहर कव्जा गरेका छन । उनीहरुले दोस्रो ठूलो शहर बुकावु मा प्रवेश गरेर त्यहाँका क्षेत्रीय गभर्नरको कार्यालय कव्जा गरेका छन ।
उक्त शहर विद्रोहीले कव्जा गरेको दोश्रो ठूलो शहर हो । यसअघि उनीहरुले मुख्य शहर गोमा कव्जा गरेका थिए ।
बुकाबु शहर खनिज सम्पदाले धनी शहर हो । रुवाण्डा समर्थित एम २३ लडाकुहरुलाई केहि मानिसहरुले सडकमा उभिएर स्वागत गरेका थिए ।
उनीहरु कुनै प्रतिरोध बिना नै प्रबेश गरेका छन । कंगो सरकारले आक्रमणकारीहरुबाट जोगिन सर्बसाधारणसँग अपिल गरेको छ ।
संयुक्त राष्ट्र संघ र युरोपेली राष्ट्रहरूले हजारौं मानिसहरूलाई आफ्ना घरहरूबाट भाग्न बाध्य बनाउने र क्षेत्रीय युद्धको सम्भावना बढाउने गतिबिधि बन्द गर्न अपिल गरेका छन ।
संयुक्त राष्ट्र संघको खाद्य कार्यक्रमले लगभग ७ हजार टन खाद्यान्न भएको गोदाम लुटिएको बताएको छ ।
लगभग दुई मिलियन जनसंख्या रहेको यो शहर किवु तालको दक्षिणी किनारमा रहेको छ ।
यो शहर रुवाण्डासँगको सीमा नजिक पनि छ । यो स्थान स्थानीय खनिज व्यापारको महत्त्वपूर्ण ट्रांजिट प्वाइन्ट हो ।
