प्रकाशित मिति : आश्विन २२, २०८१ मंगलबार
ह्युरिकेन मिल्टन शक्तिशाली आँधी फ्लोरिडाको पश्चिमी तटतर्फ अघि बढिरहेको छ ।
अमेरिकी राष्ट्रिय ह्युरिकेन केन्द्रले दिएको पछिल्लो जानकारी अनुसार यो मेक्सिकोको खाडीमा करिब १० माइल प्रति घण्टा को गतिमा उत्तरपूर्वतर्फ गइरहेको छ ।
आँधी टम्पाबाट ४४० माइल ७१ किलोमिटर दक्षिण पश्चिममा थियो ।
यसको अधिकतम स्थायी हावा गति १६५ माइल प्रति घण्टा २७० किमी प्रति घण्टाको रहेको छ । यसलाई श्रेणी ५ को खतरनाक आँधी को नाम दिइएको छ । स्थानीयले पनि यस्तो शक्तिशाली तुफान पहिले कहिल्यै नदेखेको बताएका छन् ।
मिल्टन पूर्वी मेक्सिकोको खाडीमा सर्ने क्रममा यसको तीव्रतामा उतारचढाव आउन सक्ने सम्भावना छ ।
तर मिल्टन फ्लोरिडाको पश्चिम मध्य तटमा बुधबार राति पुग्दा पनि खतरनाक ठूलो आँधीको रूपमा रहने अपेक्षा गरिएको ह्युरिकेन केन्द्रले बताएको छ ।
अमेरिकी विपद् व्यवस्थापन एजेन्सीले दुई हप्ताअघि फ्लोरिडामा हेलेन आँधीले ठूलो विनाश मच्चाएपछि फैलिएका गलत जानकारीहरूका विरुद्ध लडिरहेको छ ।
राष्ट्रपति चुनावको पूर्वसन्ध्यामा पूर्व राष्ट्रपति डोनाल्ड ट्रम्प र अन्य केही व्यक्तिहरूबाट फैलाइएका गलत दाबीहरू छन । यसैबीच एजेन्सीले अर्को ठूलो विपद्को सामना गर्न तयार भइरहदा पुन फैलिनसक्ने भ्रमहरुलाई चिर्न कठिन हुन सक्ने आकलन गरेको छ ।
राष्ट्रपति बाइडेनले प्रभावित क्षेत्रका बासिन्दालाई तत्काल सुरक्षित स्थानमा जान अनुरोध गरेका छन् ।
बाइडनले भनेका छन्, ‘यो जीवन र मृत्युको सवाल हो । यो फ्लोरिडामा एक शताब्दीकै सबैभन्दा भयंकर तुफान हुनसक्छ । ईश्वरसँग प्रार्थना गर्दछु कि त्यस्तो चाहिँ नहोस् तर अहिलेसम्म त त्यस्तै लागिरहेको छ ।’
