प्रकाशित मिति : २३ असार २०८३, मंगलबार
Photo:David Clarke/ Unsplash
सेन्ट्रल क्यालिफोर्नियाका दुईवटा आइस हिरासत केन्द्रमा रहेका बन्दीहरूले यस महिना त्यहाँका भित्री पसलहरू बहिष्कार गरेका छन्। हिरासत केन्द्र सञ्चालन गर्ने निजी कम्पनीहरूले दैनिक उपभोग्य र आवश्यक वस्तुहरूमा अत्यधिक मूल्य असुल गरेको उनीहरूको आरोप छ।
तथ्याङ्क अनुसार, बाहिरको वालमार्ट पसलमा ९.४२ डलर पर्ने इन्स्ट्यान्ट कफीलाई हिरासत भित्र १८.८० डलर र २० डलरभन्दा बढी पर्ने ट्याम्पोन बाहिरको तुलनामा ३३ प्रतिशत महँगो छ। हिरासतमा तीन पटकको खाना र आधारभूत सरसफाइका सामग्री पाइने भए तापनि थप आवश्यकताका लागि बन्दीहरू यस्तै पसलमा निर्भर हुनुपर्ने बाध्यता छ। ‘क्यालिफोर्निया कोलाबोरेटिभ फर इमिग्रेन्ट जस्टिस’ को प्रतिवेदनले यो मूल्य अन्तरलाई उजागर गरेको हो।
यस विषयमा क्यालिफोर्निया सिटी केन्द्रका प्रवक्ता रायन गस्टिनले कम्पनीले हरेक दुई वर्षमा मूल्य पुनरावलोकन गर्ने दाबी गरे तापनि यो केन्द्र सञ्चालन भएको एक वर्ष नपुगेकाले मूल्याङ्कन हुन बाँकी रहेको बताए। अर्को केन्द्र ‘गोल्डेन स्टेट एनेक्स’ सञ्चालक ‘जियो ग्रुप’ ले भने यसबारे कुनै प्रतिक्रिया जनाएको छैन।