प्रकाशित मिति : भाद्र १०, २०८१ सोमबार
यस वर्षको ‘युवा वर्ष मोती पुरस्कार’ युवा बाल-साहित्यकार तथा रङ्गकर्मी केदार श्रेष्ठलाई प्रदान गरिने भएको छ।
राष्ट्रिय युवा सेवा कोषले २०८१ सालको युवा वर्ष मोती पुरस्कार युवा बालसाहित्यकार तथा रङ्गकर्मी श्रेष्ठलाई प्रदान गर्ने भएको हो ।
वरिष्ठ साहित्यकार प्रा. रामकुमार पाँडेको संयोजकत्वमा गठित मूल्याङ्कन समितिको सिफारिसअनुसार २०८१ सालको पुरस्कार सर्जक श्रेष्ठलाई प्रदान गर्ने निर्णय भएको कोषले जनाएको छ ।
उक्त पुरस्कारको राशि ४० हजार रहेको छ ।
धादिङका श्रेष्ठलाई बालसाहित्य र रङ्गमञ्चमार्फत नेपाली भाषा, कला, साहित्य र संस्कृतिमा पुर्याएको योगदानको कदर गर्दै पुरस्कार प्रदान गर्न लागिएको हो ।
