प्रकाशित मिति : आश्विन २४, २०८१ बिहीबार
अमेरिकी राष्ट्रपति जो बाइडेन र इजरायलका प्रधानमन्त्री बेन्जामिन नेतन्याहूबीच टेलिफोन वार्ता भएको छ । बाइडेन र नेतन्याहूबीचमा ३० मिनेट लामो फोन वार्ता भएको हो ।
अगस्टयता उहाँहरूबीच भएको यो पहिलो सम्पर्क भएको अनुमान गरिएको छ । वार्तामा इजरायलको इरानको मिसाइल आक्रमणको प्रतिकार गर्ने योजना बारे छलफल भएको थियो ।
ह्वाइट हाउसले यसलाई प्रत्यक्ष र उत्पादक संवाद भनेको छ । बाइडेन र नेतन्याहूले आगामी दिनहरूमा नजिकबाट सम्पर्कमा रहने सहमति गरेको जनाइएको छ ।
अमेरिकी उपराष्ट्रपति कमला ह्यारिस पनि फोनमा सहभागी हुनु भएको थियो ।
इजरायलका रक्षामन्त्री योआव गालान्टले इरानविरुद्धको इजरायलको आक्रमण घातक, सटीक र मुख्यतया अप्रत्याशित हुने बताउनु भएको छ । हिजबुल्लाहविरुद्ध इजरायलको आक्रमणले इजरायलीहरूलाई उर्जाशील बनाएको छ ।
लेबनानको सिमानामा चलिरहेको द्वन्द्वबाट बाहिर निस्कन चाहने लाई यसले राहत दिएको छ । गाजामा भन्दा लेबनानमा उनीहरूका लागि सफलता र प्रगति देखिएको छ ।
गाजामा इजरायलको आक्रमणमा कम्तीमा ४२ हजार मानिसको ज्यान गएको छ । जसमध्ये अधिकांश सर्वसाधारण छन । हमासको विनाश र बन्धकहरूको उद्धार गर्ने प्रधानमन्त्री नेतन्याहूका दुई युद्धका उद्देश्यहरू पुरा भएका छैनन ।
हमास अझै लडिरहेको छ । अझै पनि उसले करिब १०० बन्धकहरू राखेको छ । हिजबुल्लाह र हमासलाई पुर्याएको क्षतिले केही इजरायलीहरूलाई इरानमाथि प्रत्यक्ष आक्रमण गर्ने संभावनालाई पनि बढाएको छ ।
धेरै इजरायलीहरूको लक्ष्य सूचीको शीर्षमा इरानका परमाणु स्थलहरू छन् । जुन गहिरो पहाडहरूमा निर्माण गरिएको छ ।
बाइडेनले भने स्पष्ट रूपमा इजरायललाई यस्तो कदम नचाल्न भनिरहनु भएको छ । इरानले तत्काल परमाणु हतियार बनाउन लागि नरहेको अमेरिकाले बताइरहेको छ ।
