प्रकाशित मिति : मंसिर २७, २०८१ बिहीबार
नेपाल पत्रकार महासङ्घको नयाँ नेतृत्व चयन गर्न आज शुक्रबार निर्वाचन हुँदैछ ।
आज बिहान १० देखि अपराह्न ४ बजेसम्म मतदान हुने केन्द्रीय निर्वाचन समितिले जनाएको छ ।
केन्द्रीय अध्यक्षका लागि निर्मला शर्मा, रमेश विष्ट , देवीप्रसाद सापकोटा, र लालसिंह लामाको उम्मेदवारी परेको छ ।
वरिष्ठ उपाध्यक्षमा रोसन पुरी , गोविन्दप्रसाद चौलागाईँ र दीपक आचार्यले उम्मेदवारी दिनुभएको छ ।
यसैगरी, महिला उपाध्यक्षमा गङ्गा पौडेल र नितु पण्डित, समावेशी उपाध्यक्षमा उमिद बागचन्द, मोहनकुमार सिंह र सुभाषप्रसाद साह, महासचिवमा जन्मदेव जैशी, प्रकाश थापा, रामप्रसाद दाहाल र लेखनाथ न्यौपानेले उम्मेदवारी दिनुभएको छ ।
आज केन्द्रीय समिति, १० प्रदेश समिति र ७७ जिल्ला शाखा तथा ४१ प्रतिष्ठान शाखामा नयाँ नेतृत्व चयन हुनेछ ।