प्रकाशित मिति : असार ३, २०८१ आईतबार
यदि तपाईको आईफोन चोरी भएमा वा हराएमा तपाईको फोनसेटमात्र हराउँदैन, त्यसमा भएका फोटो, भिडियोसहित कैयन जानकारीहरु पनि हराउँछन् । तर अब कम्पनीले चोरहरूलाई तपाईंको निजी जानकारीमा पहुँच प्राप्त गर्न धेरै गाह्रो बनाएको छ । किनभने आईओस १७.३ मा चोरिएको उपकरण सुरक्षा नामको नयाँ विशेषता थप गरिएको छ, जसलाई तुरुन्तै अनगर्न आईफोन प्रयोगकर्ताहरुलाई सुझाव दिइएको छ ।
सबैभन्दा पहिले तपाईको आईफोनमा आईओएस १७.३ चलिरहेको सुनिश्चित गर्नुहोस् । त्यसपछि सेटिङ एप खोल्नुहोस्, फेस आईडी र पासकोड ट्याप गर्नुहोस् र स्टोलन डिभाइस प्रोटेक्सन टगल गर्नुहोस्। यदि तपाईंसँग टच आईडी भएको पुरानो आईफोन छ भने तपाईंको सेटिङहरू फरक देखिनेछन्।
तपाईंले स्टोलन डिभाइस प्रोटेक्सन अन गरेपछि प्रयोगकर्तालाई केही जानकारीमा पहुँच कायम गर्न थप प्रमाणीकरणको आवश्यकता पर्दछ । साथै आईफोन तपाईंको घर वा तपाईंको कार्यस्थल जस्ता विश्वसनीय स्थानमा नभएको पत्ता लगाएमा केही परिवर्तनहरूलाई पनि रोक्छ।
उदाहरणका लागि तपाईले एप्पल एकाउन्टको पासवर्ड वा तपाइँको फोनको पासकोड परिवर्तन गर्न प्रयास गर्दा तपाइँको आईफोन विश्वसनीय स्थानमा छैन भने तपाईले एक घण्टा पर्खनु पर्छ र त्यसपछि फेस आईडी वा टच आईडीसंग दोस्रो पटक तपाइँको पहिचान प्रमाणीकरण गर्न आवश्यक हुन्छ । यदि चोरलाई तपाईंको आईफोन अनलक गर्ने पासकोड थाहा छ भने पनि त्यो ढिलाइले तपाईंलाई आईफोन टाढाबाट लक गर्न वा चोरी भएको आईफोनमा भएका चिजहरु डिलिट गर्न समय प्राप्त हुन्छ ।
तपाईंले आईओएस १७.४ डाउनलोड गरेपछि तपाईंले आफ्नो एप्पल एकाउन्टमा परिवर्तन गर्नुपरेमा तपाई परिचित स्थानमा भएतापनि एक घण्टा पर्खिन आवश्यक हुन सक्छ । यसलाई सक्रिय गर्नको लागि सेटिङमा गई स्टोलन डिभाइस प्रोटेक्सन पृष्ठमा जानुपर्छ र सुरक्षा ढिलाइ आवश्यक भए नभएको खण्डमा टिकमार्क लगाउनुपर्छ । यसले बच्चालाई खेल्नको लागि आफ्नो फोन दिंदा हुनसक्ने आकस्मिक परिवर्तनलाई पनि रोक्न सक्छ ।
स्टोलन डिभाइस प्रोटेक्सन सकृय बनाउँदा चोरले तपाइँको आईफोनमा पहुँच गर्न सक्ने जानकारी पनि सीमित हुन्छ । यसले चोरहरूलाई तपाईंको पैसा चोर्न वा तपाईंको नाममा एप्पल क्रेडिट कार्ड खोल्न तपाईंको अनलक गरिएको आईफोन प्रयोग गर्नबाट रोक्छ।
