प्रकाशित मिति : श्रावण १४, २०८१ सोमबार
अमेरिकाको लस भेगासमा कामदारलाई ओभरटाइम नतिर्ने रेष्टुरेण्टलाई ५ लाख डलर जरिवाना गरिएको छ । हुआन फ्लेमिङ फजिटास र क्यान्टिना रेस्टुरेन्टका मालिकलाई श्रम उल्लंघनको लागि करिब ५ लाख डलर जरिवाना गरिएको डिपार्टमेन्ट अफ लेबरले जनाएको छ ।
डिपार्टमेन्ट अफ लेबरका अनुशार रेस्टुरेन्टले अनुचित रूपमा कामदारको ओभरटाइम तलब रोकेको थियो भने दुई कर्मचारीहरूलाई गलत तरिकाले ओभरटाइम तलब दिएको थिएन । ती दुवै गतिविधिले निष्पक्ष श्रम र मानक ऐन उल्लङ्घन गरेका थिए ।
हुअन फ्लेमिङ फजिटास र क्यान्टिना नामका रेष्टुरेण्टहरु तीन स्थामा रहेका छन् । जसमध्ये २ वटा लस भेगासमा र एउटा हेन्डरसनमा रहेको छ । रेष्टुरेण्टमा काम गर्ने ३२ जना कर्मचारीको ओभरटाइम काम गरेको रकम दिइएको थिएन ।
यी सबै उल्लङ्घनहरूका लागि ज्यालामा तिनुपर्ने रकम २ लाख ३६ हजार ६ सय ९२ डलर र क्षतिका लागि त्यती नै रकम अर्थात् २ लाख ३६ हजार ६ सय ९२ डलर जरिवाना तोर्किको छ । रेस्टुरेन्टको लागि जरिवाना १२ हजार ५० डलर तोकिएको छ ।
यस प्रकारका उल्लङ्घनहरू सामान्यतया रेष्टुरेण्टहरुमा अधिक हुने गरेको डिपार्टमेन्ट अफ लेबरले जनाएको छ । यदि तपाईले पनि काम गरे अनुशारको ज्याला पाउनुभएको छैन वा ओभरटाइम रकम पाउनुभएको छैन भने रिपोर्ट गर्नका लागि यहाँ क्लीक गर्नुहोला ।
धेरै अनुसन्धानहरू गुनासोपछि सुरु हुन्छन्, जुन गोप्य हुन्छन्। उजुरीकर्ताको नाम, उजुरीको प्रकृति र उजुरी अवस्थित छ कि छैन खुलासा गरिदैन । रोजगारदाताले आफ्नो अधिकारको प्रयोग, उजुरी दर्ता वा अनुसन्धानमा सहयोग गरेकोमा कामदार विरुद्ध बदला लिन सक्दैन। साथै कामदारको अध्यागमन स्थीति जुनसुकै भएतापनि उनीहरु उचित पारिश्रमिकका लागि योग्य हुन्छन् ।
