प्रकाशित मिति : फाल्गुन २३, २०८१ शुक्रबार
अमेरिकामा ट्रम्प प्रशासनले कोलम्बिया विश्वविद्यालयबाट ४०० मिलियन डलर संघीय फन्ड तुरुन्तै निकाल्ने निर्णय गरेको छ ।
यो विश्वविद्यालयले क्याम्पसमा यहूदी विद्यार्थीहरूसँग भएको विरोध र उत्पीडनको विरुद्ध पर्याप्त कदम चाल्न असफल भएको भन्दै ट्रम्प प्रशासनले फण्ड निकाल्ने निर्णय गरेको हो ।
यहूदी विद्यार्थीहरूका विरुद्ध लगातार उत्पीडनको सामना गर्दा विश्वविद्यालयको निरन्तर निष्क्रियताको कारण फन्ड कटौती गर्ने निर्णय भएको चारवटा संघीय एजेन्सीहरूको विज्ञप्तिमा उल्लेख गरिएको छ ।
न्यूयोर्कको यो विश्वविद्यालय प्रोप्यालेस्टिनी विरोधका कारण गत वर्ष चर्को विरोधको केन्द्रबिन्दु बनेको थियो । साता अघि राष्ट्रपति ट्रम्पले अवैध विरोध गर्न दिने विद्यालय र विश्वविद्यालयहरूबाट फन्ड निकाल्ने धम्की दिएका थिए ।
शिक्षा मन्त्री लिंडा म्याकम्यानले विश्वविद्यालयका अधिकारिकहरूले क्याम्पसमा लगातार हिंसा, धम्की र यहूदी विरोधी उत्पीडनका शिकार भएका यहूदी विद्यार्थीहरूलाई नजरअन्दाज गरेको आरोप लगाइन ।
कोलम्बिया विश्वविद्यालयका प्रवक्ताले विश्वविद्यालयले संघीय फन्ड पुनर्स्थापित गर्न सरकारसँग सहकार्य गर्ने प्रतिबद्धता जनाएको बताएका छन ।
कोलम्बिया विश्वविद्यालय अमेरिकाको सबैभन्दा प्रतिष्ठित विश्वविद्यालयहरू मध्ये एक हो । यसमा लगभग ३० हजार विद्यार्थी छन् ।