प्रकाशित मिति : माघ १, २०८१ मंगलबार
युक्रेनले रुसबिरुद्ध अहिले सम्मकै सबैभन्दा ठ्रुलो हमला गरेको छ । मंगलबार युक्रेनले रूसको गहिराइमा रहेको विभिन्न लक्ष्यहरूमा प्रहार गरेको बताएको छ ।
जुन यसले यो आक्रमणलाई युक्रेनले रुससंगको युद्धको सबैभन्दा ठूलो आक्रमणको रूपमा वर्णन गरेको छ।
युक्रेनी सशस्त्र बलको जनरल स्टाफका अनुसार, विभिन्न क्षेत्रमा रहेका हतियार भण्डारण र रासायनिक प्लान्टहरूमा आक्रमण गरिएको हो ।
आक्रमण भएका केही स्थानहरू सीमाबाट सयौं किलोमिटर टाढा रहेका थिए। युक्रेनी खुफिया एजेन्सीका स्रोतहरूले रातभरिको आक्रमणले रूसको युद्ध लड्नको क्षमता माथि गम्भीर प्रहार गरेको छ ।
अमेरिका द्वारा आपूर्ति गरिएको एटाकम मिसाइल र बेलायत बनाएका स्टर्म श्याडो क्रूज मिसाइलहरू नष्ट गरेको रुसले दावी गरेको छ । रुसले आक्रमणको जवाफ युक्रेनलाई दिइने चेतावनी दिएको छ ।
केंद्रीय र पश्चिमी रूसका कम्तीमा नौवटा विमानस्थलले अस्थायी रूपमा उडान रोकिएको छ । युक्रेनी आक्रमणहरूले स्याराटोव क्षेत्रका विद्यालयहरू बन्द गरिएका छन ।
सिमाना नजिकको ब्र्यान्स्क क्षेत्रमा आक्रमणले रिफाइनरी, हतियार भण्डारण र रासायनिक प्लान्टमा विस्फोट गराएको थियो । जसमा बारूद र विस्फोटक पदार्थ उत्पादन हुने गरेको थियो ।
युक्रेनले सीमाबाट १,१०० किलोमिटर अर्थात ७०० माइल टाढाका लक्ष्यहरूमा प्रहार गरेको दाबी गरेको छ। पश्चिमी स्याराटोव क्षेत्रका अधिकारीहरूले भनेका छन् कि यो विशाल ड्रोन आक्रमण थियो।
युक्रेनले भन्यो कि रूसले पनि युक्रेनभरि दर्जनौं ड्रोन आक्रमण गरेको छ । जसका कारण किभ र आसपासका क्षेत्रहरूमा धेरै हवाई आक्रमण चेतावनीहरू जारी गरिएको थियो।