प्रकाशित मिति : चैत्र १९, २०८१ मंगलबार
संयुक्त अरब इमिरेट्स (युएई) सरकारले एक सय ६६ जना नेपाली बन्दीलाई आम माफी दिएको छ ।
युएई सरकारले पवित्र महिना रमजान एवम् इद पर्वका अवसरमा एक सय ६६ जना नेपाली बन्दीलाई आम माफी दिएको हो ।
पवित्र महिना रमजान एवं इद पर्वका अवसरमा एक सय ६६ जना नेपाली बन्दीलाई आम माफी दिइएकामा नेपाल सरकारले संयुक्त अरब इमिरेट्स (युएई) सरकारप्रति हार्दिक कृतज्ञता ज्ञापन गरेको छ ।
परराष्ट्र मन्त्रालयले आज एक विज्ञप्ति जारी गर्दै युएई सरकारको उक्त कदम हार्दिकतापूर्ण द्विपक्षीय सम्बन्धको नमूना भएको जनाएको छ ।
अबुधाबीस्थित नेपाली दूतावासको अनुरोधमा युएई सरकारले उनीहरूलाई आममाफी दिएको हो ।
यसअघि, पवित्र रमजान महिना र इदको पर्वको अवसरमा कतार सरकारले १८ जना नेपाली कैदीहरूलाई आममाफी दिएको थियो । नेपाल सरकारले १८ जना नेपाली कैदीहरूलाई आममाफी दिइएकोप्रति कतार सरकारप्रति हार्दिक आभार व्यक्त गरेको थियो ।