प्रकाशित मिति : असार १, २०८१ शुक्रबार
आइसिसी टी- २० विश्वकप क्रिकेटअन्तर्गत दक्षिण अफ्रिकाविरुद्ध नेपालले १० ओभरमा ४८ रन बनाएको छ ।
नेपालका लागि ओपनर ब्याट्सम्यान आशिफ शेखले १८ रन बनाएका छन् भने अनिल शाहले ८ रन बनाएका छन् ।
यो अवधीमा नेपालले दुई विकेट गुमाइसकेको छ । तर्बेज शम्सीले नेपालका ओपनर ब्याट्सम्यान कुशल भुर्तेलको विकेट लिएका हुन् । कुशल २१ बलमा १३ रन बनाएर आउट भएका हुन् । यस्तै, नेपालका कप्तान रोहित कुमार पौडेल शुन्य रनमा आउट भएका छन् । उनको विकेट पनि तर्बेज शम्सीले लिएका हुन् ।
अेल वेस्टइन्डिजको सेन्ट भिसेन्टस्थित अरनोस भाल रङ्गशालामा भइरहेको छ । टस हारेर पहिले ब्याटिङको निम्तो पाएको दक्षिण अफ्रिकाले नेपाललाई जीतको लागि ११६ रनको लक्ष्य दिएको छ ।
नेपाललाई विश्वकपको दोस्रो चरणमा पुग्नका लागि दक्षिण अफ्रिकाविरुद्धको खेल जित्नै पर्ने बाध्यता छ ।
