प्रकाशित मिति : असार २१, २०८१ शुक्रबार
एक व्यक्तिले ४ जुलाईमा न्युयोर्कको म्यानहटन लोअर ईस्ट साइड पार्कमा गाडी जोतेपछि गाडीको ठक्करबाट तीन जनाको मृत्यु भएको छ भने धेरैजना घाइते भएका छन् ।
न्यु जर्सीको मोनमाउथ काउन्टीका ४४ वर्षीय डेनियल हेडेनलाई ३ वटा अभियोगहरु लगाइएको छ । ती व्यक्तिले मादकपदार्थ सेवन गरेर विना लाइसेन्स गाडी चलाएको जनाइएको छ ।
घटना बिहीबार राति ८ बजेर ४५ मिनेटमा भएको थियो । वाटर र ज्याक्सन स्ट्रीट नजिकैको पार्कमा कम्तिमा २ सय मानिसहरु जुलाई ४ मनाउन बारबीक्यु गरिरहेका थिए । दुखद घटना भएको र ड्राइभरले धेरै न्युयोर्कवासीहरू जस्तै उत्सव मनाउने मानिसहरूको भीडमा गाडी हालेको मेयर एरिक आडम्सले बताएका थिए ।
Last night’s deadly incident at a park in the Lower East Side breaks my heart.
Families were enjoying their day like so many others only for it to end in a tragic incident caused by a careless driver under the influence.
Sending my prayers to all the families impacted. https://t.co/WxL3WRK7FK pic.twitter.com/4tHqI3aJcA
— Mayor Eric Adams (@NYCMayor) July 5, 2024
चालकले खैरो फोर्ड एफ १५० चालाएको र चौराहामा स्पीड गरेर एक स्टप साइन उडाएको समेत जनाइएको छ । त्यसपछि गाडी फुटपाथमा पुगेपछि पार्कमा रहेका दर्शकहरूलाई हिर्काएको जनाइएको छ । घटनामा ट्रक मुनि कैयौं मानिस फसेका थिए ।
५९ वर्षीया लुसिल पिन्कनी र उनको छोरा ३८ वर्षीय हर्नान पिन्कनी दुर्घटनामा मारिएका छन् । अर्की एक महिलाको ज्यान गएपनि सनाखत हुन सकेको छैन । पीडितमा एक ११ वर्षीय बालक पनि रहेको प्रहरीले जनाएको छ । कुल सात जना घाइते भएको प्रहरीले जनाएको छ ।
Watch as @NYCMayor and NYPD executives provide an update on an ongoing investigation in lower Manhattan. https://t.co/8A10zMAhGA
— NYPD NEWS (@NYPDnews) July 5, 2024
चालकले अत्याधिक रक्सी पिएका थिए भने प्रहरी पुग्नु अगाडि घटनास्थलमा प्रत्यक्षदर्शीहरुले समातेका थिए । घटनास्थलमा आइपुगेका अधिकारीहरूले रक्सीको गन्ध पाएका थिए । यो आतंकवादसँग सम्बन्धित घटना भने नभएको अधिकारीहरुको ठहर छ ।
