प्रकाशित मिति : पुस ३, २०८१ बुधबार
लेबनानको पुनर्निर्माणका लागि विश्व बैङ्क तयार भएको छ । विश्व बैंकका एक वरिष्ठ अधिकारीले हिजबुल्लाह–इजरायल द्वन्द्व अन्त्य भएपछि लेबनानको पुनर्निर्माणमा सहभागी हुन विश्व बैंक तयार रहेको बताएका ह्ुन ।
विश्व बैङ्कका मध्यपूर्व विभागका देशीय निर्देशक ज्याँ क्रिस्टोफ क्यारेटले लेबनानको पुनर्निर्माणमा लेबनानी सरकारसँग सहकार्य गर्ने बैङ्कको इच्छा व्यक्त गरेका हुन ।
क्यारेटले पुनर्निर्माण परियोजनाहरू र कार्यक्रमहरू, भग्नावशेष हटाउने, पूर्वाधार पुनर्निर्माण, र औद्योगिक र कृषि सुविधाहरूको पुनस्र्थापनासहितका बिषयमा छलफल गरेका हुन ।
इजरायली आक्रमणबाट लेबनानले व्यहोरेको परिणामलाई पुनर्निर्माण र सम्बोधन गर्न लेबनानसँग प्रतिक्रिया र संलग्न हुने विश्व बैङ्कको इच्छा र तत्परता’ को प्रशंसा गरिएको छ ।
विश्व बैङ्कका अनुसार लेबनानमा हिजबुल्लाह–इजरायल द्वन्द्वबाट भएको भौतिक तथा आर्थिक क्षति आठ अर्ब ५० करोड अमेरिकी डलर रहेको अनुमान गरिएको छ ।
इरान समर्थीत हिजबुल्लाहलाई लक्षित गरेर इजरायलले आक्रमण सुरु गरेपछि लेबनानको राजधानी बेरुत लगाएतका क्षेत्रहरु ध्वस्त भएका छन ।
इजरायलले लेबनानमा हवाई तथा स्थल आक्रमण गरेको थियो । अहिले भने त्यहाँ युद्ध विराम छ । तरपनि बिभिन्न हिंसात्मक घटनाहरु भने जारी नै रहेका छन ।
