प्रकाशित मिति : फाल्गुन २०, २०८१ मंगलबार
पनामा नहरका दुई बन्दरगाह अमेरिकी कम्पनीले खरिद गर्ने भएको छ ।
अमेरिकी कम्पनी ब्ल्याकरोकले बन्दरगाह खरिद गर्न हङकङस्थित कम्पनी सीके हचिसनसँग सहमति गरेको बताइएको छ । जसको स्वामित्वका विषयलाई लिएर राष्ट्रपति डोनाल्ड ट्रम्पले आपत्ति जनाउनु भएको थियो ।
मङ्गलबार घोषणा गरिएको सम्झौतामा ब्ल्याकरोक र अन्य लगानीकर्ताको समूहले सीके हचिसनबाट पनामा नहरको दुबै छेउमा रहेका बाल्बोआ र क्रिस्टोबल बन्दरगाहहरू खरिद गर्न २२.८ अर्ब डलर खर्च गर्ने उल्लेख गरिएको छ ।
यो सम्झौतासम्बन्धी ूसैद्धान्तिक सहमतिू भएको कम्पनीले जनाएको छ । ब्ल्याकरोकको समूहले हचिसनको ४३ अन्य बन्दरगाहहरूको नियन्त्रणको हिस्सेदारी पनि खरिद गर्ने छ । जसमा २३ देशहरूमा १९९ ओर्डर रहेका छन् । तर यसमा चीन र हङकङमा रहेका बन्दरगाहहरू भने समावेश छैनन ।
पनामा नहरको विषयलाई लिएर अमेरिकी राष्ट्रपति ट्रम्पले पनामाको चर्को आलोचना गरेका थिए । उनले भनेका थिए सन १९९९ मा भएको सम्झौता अनुसार पनामा नहर सञ्चालन गर्न पनामा लाई दिइएको हो चीनलाई होइन ।
उनले पनामा नहर फिर्ता ल्याउन सैन्य सक्तीको परिचालन सम्म गर्न सक्ने चेतावनी दिएका थिए । ब्ल्याकरोक विश्वको सबैभन्दा ठूला एसेट म्यानेजरमध्ये एक हो । जसको एसेट्सको पूजीं ११.६ ट्रिलियन डलर छ ।
पनामा नहरलाई अमेरिकाले २० औं शताब्दीको प्रारम्भिक वर्षहरूमा निर्माण गरेको थियो । यो १९१४ मा निर्माण भएको थियो ।
५१ माइलको यो नहर अन्तर्राष्ट्रिय व्यापार र अमेरिकी सैनिक जहाजहरूको आन्दोलनको लागि महत्त्वपूर्ण छ । विश्वको ४ प्रतिशत समुद्री व्यापार र अमेरिकाको ४० प्रतिशत कन्टेनर यातायात यस नहरबाट हुन्छ ।
यो पनामा अर्थतन्त्रको प्रमुख हिस्सा हो । २०२४ मा नहरले लगभग ५ अर्ब डलर मुनाफा गरेको थियो ।