प्रकाशित मिति : मंसिर ७, २०८२ आईतबार
अमेरिकाको टेक्सास एएण्डएम विश्वविद्यालयले लिङ्ग पहिचानसम्बन्धी पाठमा विद्यार्थीसँग विवाद भएपछि एक प्राध्यापकलाई बर्खास्त गरेको छ।
तर, उक्त बर्खास्तीलाई विश्वविद्यालयको छानबिन समितिले गलत ठहर गरेको छ। कक्षाको भिडियोमा एक विद्यार्थीले बालसाहित्यको पाठमा लिङ्ग पहिचानबारे प्राध्यापकले चलाएको छलफलमा आपत्ति जनाएपछि उनलाई बर्खास्त गरिएको थियो।
अंग्रेजी विभागकी वरिष्ठ व्याख्यात्री मेलिसा म्याककुल, जो १० वर्षभन्दा बढीदेखि अध्यापन गरिरहेकी थिइन्, लाई बर्खास्त गरिएपछि भिडियो सार्वजनिक भएको थियो। यसपछि गभर्नर ग्रेग एबटसहितका रिपब्लिकन सांसदहरूले उनको बर्खास्तीको माग गरेका थिए।
आन्तरिक छानबिन समितिले विश्वविद्यालयले उचित प्रक्रिया नअपनाई र पर्याप्त कारण पनि नदेखाई म्याककुललाई निकालिएको निष्कर्ष निकालेको छ। म्याककुलकी वकिल अमान्डा राइचेकका अनुसार यो विवाद अन्ततः अदालतमै पुग्ने सम्भावना छ। विश्वविद्यालय भने यो विवादमा अझै लड्न तयार देखिन्छ।
राइचेकले राज्यका गभर्नर एबटको दबाबमा विश्वविद्यालयले घुँडा टेकेको आरोप लगाएकी छिन्। विश्वविद्यालयका कार्यवाहक अध्यक्षसमेत राजनीतिक दबाबमा देखिएको उनको भनाइ छ।
कक्षामा “ज्यूड सेव्स द वर्ल्ड” नामक पुस्तकबारे छलफल भइरहेको थियो। उक्त पुस्तकका एक मध्यम विद्यालयका विद्यार्थीले आफू नन–बाइनरी भएको बताउने कथावस्तु छ।
यो कक्षामा समावेश गरिएका एलजीबीटीक्यू विषयका थुप्रै किताबमध्ये एउटा मात्र थियो। यो पाठ कानुनअनुसार पढाउन मिल्छ कि मिल्दैन भन्ने विषयमा विद्यार्थी र म्याककुलबीच केहीबेर बहस चलेको पाइएको छ।
विवादका बीचमा म्याककुलले ती विद्यार्थीलाई कक्षा छोड्न भनेकी थिइन्। म्याककुलले सन् २०१८ देखि कम्तीमा १२ पटक यही पाठ्यक्रम पढाएकी थिइन्।
विवादपछि विश्वविद्यालयले उक्त समर कक्षा चाँडै बन्द गरेको थियो। म्याककुललाई बर्खास्त गर्दा उनले कक्षामा “कोर्सको मानक पाठ्यक्रमसँग मेल नखाने सामग्री” पढाएको आरोप लगाइएको थियो।
तर, म्याककुलकी वकिलले यो आरोप अस्वीकार गर्दै विश्वविद्यालयले उनलाई पाठ्यक्रम परिवर्तन गर्न कहिल्यै निर्देशन नदिएको बताएकी छिन्। यसै महिना टेक्सास एएण्डएमका रीजेन्टहरूले नयाँ नीति पास गरेका छन्।
उक्त नीतिमा अब प्राध्यापकहरूले जाति वा लिङ्ग सम्बन्धी केही विषय पढाउन विश्वविद्यालय अध्यक्षको पूर्वअनुमति लिनुपर्ने प्रावधान राखिएको छ।
अमेरिकाभरका हार्वर्ड, कोलम्बिया र तिनका अध्यक्षहरू विविधता, समानता र समावेश नीतिहरू तथा क्याम्पस प्रदर्शनहरूमा उनीहरूले देखाएको भूमिकाका लागि राष्ट्रपति डोनाल्ड ट्रम्प प्रशासन र अन्य दक्षिणपन्थी आलोचकहरूको निगरानीमा छन्।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्