प्रकाशित मिति : माघ १३, २०८१ आईतबार
इजरायली सैनिकहरूले दक्षिणी लेबनानमा २२ जनालाई हत्या गरेका छन । हमलामा १२४ जना घाइते भएको लेबनानको स्वास्थ्य मन्त्रालयले बताएको छ । यो घटना हिजबुल्लाहलाई हटाउने प्रक्रिया नटुंगिँदै भएको हो ।
सीमाको नजिकैका सहर र गाउँहरूमा हजारौं बासिन्दाहरू इजरायली चेतावनीका बाबजुद फर्किएका छन् ।
इजरायली सेनाले हमासले धम्कीपूर्ण गतिविधि गरेको केही व्यक्तिहरूलाई पक्रेको दाबी गर्दै केही क्षेत्रमा चेतावनीका लागि गोली प्रहार गरेको बताएको छ ।
इजरायलले हिजबुल्लाहसँगको ६० दिनको युद्धविराम सम्झौता पूर्ण रूपमा कार्यान्वयन नभएको बताएको छ । यो युद्धविराम सम्झौता नोभेम्बरमा लागू भएको थियो।
मृतकमध्ये महिलाहरू पनि रहेका छन् । घाइतेहरूमध्ये महिलाहरू, बालबालिका र एक स्वास्थ्यकर्मी पनि छन्। लेबनानको सेनाले इजरायली सेनाको गोलीबाट आफ्ना एक सैनिक मारिएको र अर्को एक घाइते भएको बताएको छ ।
अमेरिका र फ्रान्सको मध्यस्थतामा भएको सम्झौताले १४ महिनाको द्वन्द्व अन्त्य गरेको थियो । सम्झौतामा इजरायली सेना लेबनानको दक्षिणबाट हट्नुपर्ने र हिजबुल्लाहका लडाकुहरू र हतियारहरूलाई पनि हटाउनुपर्ने प्रावधान छ ।
लेबनानमा इजरायली सेनाको उपस्थिति चिन्ताको विषय बनेको छ। इजरायलले १९८२ देखि २००० सम्म १८ वर्षसम्म दक्षिणी लेबनान कब्जा गरेको थियो ।
इजरायलसँगको द्वन्द्वमा हिजबुल्लाह निकै कमजोर बनेको छ । समूहको संरचना र हतियारहरू ध्वस्त पारिएका छन् । सयौं लडाकु तथा नेता मारिएका छन् ।
युद्धविरामले लेबनानका हजारौं बासिन्दाहरूलाई आफ्ना घरहरू फर्कने अवसर दिएको छ ।
इजरायलको मुख्य लक्ष्य भनेको लेबनानको उत्तरमा विस्थापित भएका ६० हजार बासिन्दाहरूलाई फर्काउने र हिजबुल्लाहलाई सीमा क्षेत्रबाट हटाउने थियो ।
हिजबुल्लाहले प्यालेस्टाइन लडाकु समूह हमासका लागि ऐक्यबद्धता जनाउँदै अक्टोबर २०२३ मा आक्रमण सुरु गरेको थियो ।