प्रकाशित मिति : फाल्गुन २४, २०८१ शनिबार
युरोपेली सङ्घकी विदेश नीति प्रमुखले काजा कालासले रुसलाई शान्तिमा कुनै चासो नरहेको देखिएको बताएकी छिन् ।
सामाजिक सञ्जाल एक्समार्फत उनले युक्रेनमा रातभर गरिएको आक्रमणले क्रेमलिनलाई ‘शान्तिमा कुनै चासो छैन’ भन्ने देखाएको बताएकी हुन् ।
उनले रूसी क्षेप्यास्त्रहरू युक्रेनमा निरन्तर खसिरहेको बताउँदै यसले मृत्यु र विनाश बढ्दै गएको बताइन् । उनले लेखेकी छिन्, ‘रूसी क्षेप्यास्त्रहरू युक्रेनमा निरन्तर खसिरहेका छन्, जसले गर्दा मृत्यु र विनाश बढ्दै गएको छ।’
कालासले युक्रेनमाथि रुसी आक्रमण बढ्दै जानुले पुटिनलाई शान्तिमा कुनै चासो नभएको देखिएको जिकिर गरेकी हुन् । उनले भनिन्, ‘फेरि एक पटक, पुटिनले शान्तिमा कुनै चासो नभएको देखाएका छन् ।’
इस्टोनियाका पूर्व प्रधानमन्त्री तथा युरोपेली आयोगका उपाध्यक्ष समेत रहेकी कालासले थपेकी छिन्, ‘हामीले हाम्रो सैन्य समर्थन बढाउनुपर्छ । अन्यथा, अझ धेरै युक्रेनी नागरिकहरूले उच्चतम मूल्य चुकाउनुपर्नेछ।’