प्रकाशित मिति : मंसिर ३०, २०८२ मंगलबार
(आधिकारिक ह्वाइट हाउस फोटो: डेनियल टोरोक)
अमेरिकी राष्ट्रपति डोनाल्ड ट्रम्पले मंगलबार एक कार्यकारी आदेशमा हस्ताक्षर गर्दै पूर्ण वा आंशिक यात्रा प्रतिबन्ध लगाइएका देशहरूको संख्या १९ बाट बढाएर ३९ बनाएका छन् । ह्वाइट हाउसका अनुसार सुरक्षा जाँच र सूचना आदानप्रदानमा गम्भीर कमजोरी देखिएका कारण ती देशहरुमाथि यात्रा प्रतिबन्ध लगाइएको हो ।
यस नयाँ घोषणाले सातवटा देशहरूलाई पूर्ण प्रतिबन्धको सूचीमा थपेको छ । जसमा लाओस, सिएरा लियोन, बुर्किना फासो, माली, नाइजर, दक्षिण सुडान र सिरिया रहेका छन् । यसअघि लाओस र सिएरा लियोनमा आंशिक प्रतिबन्ध मात्र थियो ।
त्यसैगरी आंशिक प्रतिबन्ध खेप्ने १५ नयाँ देशहरूमा अंगोला, एन्टिगुवा र बारबुडा, बेनिन, आइभोरी कोस्ट, डोमिनिका, गेबोन, गाम्बिया, मलावी, माउरिटानिया, नाइजेरिया, सेनेगल, तान्जानिया, टोंगा, जाम्बिया र जिम्बाब्वे रहेका छन्। त्यस्तै प्यालेस्टिनी अथोरिटीद्वारा जारी यात्रा कागजात बोक्ने व्यक्तिहरूमाथि पनि प्रतिबन्ध लगाइएको छ।
तुर्कमेनिस्तानका नागरिकहरूका लागि गैर आप्रवासी भिसामा लगाइएको प्रतिबन्ध फुकुवा गरिएको छ, तर उनीहरूको प्रवेशमाथिको निलम्बन भने यथावत राखिएको छ। कानुनी रूपमा स्थायी बसोबास गरिरहेका ग्रीन कार्ड वाहक, बहालवाला भिसा धारक र अमेरिकी राष्ट्रिय हितमा काम गर्ने केही निश्चित श्रेणीका व्यक्तिहरूलाई यस प्रतिबन्धमा छुट दिइएको छ।
राष्ट्रपति ट्रम्पले वासिङ्टन डीसीमा एक नेशनल गार्ड सदस्यको ज्यान जाने गरी भएको गोलीकाण्डपछि अध्यागमनमा थप कडाइ गरेका हुन् । उक्त घटनाका संदिग्ध, रहमानुल्लाह लाकनवाल अफगान नागरिक हुन् । उनी जो बाइडन प्रशासनको समयमा पुनर्स्थापित भएका थिए भने ट्रम्प प्रशासनको समयमा शरण पाएका थिए।
यस घटनापछि ट्रम्पले कानुनी र गैरकानुनी दुवै किसिमका विदेशी प्रवेशमा कडाइ गर्नुका साथै सामूहिक देशनिकाला अभियान पनि चलाइरहेका छन् । हाल पूर्ण वा आंशिक प्रतिबन्धमा परेका ३९ देशहरूमा अफगानिस्तान, बर्मा, चाड, कंगो गणतन्त्र, इक्वेटोरियल गिनी, इरिट्रिया, हैटी, इरान, लिबिया, सोमालिया, सुडान, यमन, बुरुन्डी, क्युबा, लाओस, सिएरा लियोन, टोगो, तुर्कमेनिस्तान, भेनेजुएला, बुर्किना फासो, माली, नाइजर, दक्षिण सुडान, सिरिया, अंगोला, एन्टिगुवा र बारबुडा, बेनिन, कोटे डी आइभोर, डोमिनिका, गेबोन, गाम्बिया, मलावी, माउरिटानिया, नाइजेरिया, सेनेगल, तान्जानिया, टोंगा, जाम्बिया र जिम्बाब्वे रहेका छन् ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्