प्रकाशित मिति : मंसिर २६, २०८२ शुक्रबार
अमेरिकी विदेश मन्त्रालयले गैरआप्रवासी र आप्रवासी भिसा दुवैको प्रक्रियामा महत्त्वपूर्ण परिवर्तन गर्दै नयाँ नीति जारी गरेको छ। यो नयाँ नियमले अधिकांश आवेदकहरूलाई आफ्नो भिसा अन्तर्वार्ताको अपोइन्टमेन्ट आफ्नो नागरिकता वा निवास देशमा रहेको अमेरिकी दूतावास वा वाणिज्य दूतावासमा मात्र तय गर्न अनिवार्य गरेको छ। यो कदम तेस्रो देशमा गएर भिसा आवेदन दिने ‘भिसा शपिङ’ चलनलाई नियन्त्रण गर्न र प्रक्रियालाई थप व्यवस्थित बनाउन लक्षित छ।
डिसेम्बर १२ देखि तत्काल लागू हुने गरी गैरआप्रवासी भिसा आवेदकहरूले आफ्नो नागरिकता वा निवास देशमा अन्तर्वार्ताको समय तालिका बनाउनुपर्ने विदेश मन्त्रालयले प्रष्ट पारेको छ। आफ्नो निवास देश बाहिर अन्तर्वार्ताको लागि आवेदन दिने आवेदकहरूलाई भिसा प्राप्त गर्न बढी कठिन हुन सक्ने भन्दै मन्त्रालयले स्पष्ट चेतावनी दिएको छ।
आवेदन निवासको आधारमा दिइएको खण्डमा आवेदकले उक्त देशमा आफ्नो निवास प्रमाणित गर्न सक्नुपर्छ। आफ्नो नागरिकता वा निवास देश बाहिर अन्तर्वार्ताको लागि तिरेको शुल्क फिर्ता वा स्थानान्तरण गर्न नसकिने साथै त्यस्ता आवेदकहरूले अपोइन्टमेन्टका लागि उल्लेखनीय रूपमा लामो समय कुर्नुपर्ने पनि विदेश मन्त्रालयले जनाएको छ। सामान्य भिसा सञ्चालनहरू रोकिएका रुस, इरान, भेनेजुएला र युक्रेन जस्ता देशका नागरिकहरूले तोकिएका विशेष स्थानहरूमा नै आवेदन दिनुपर्छ।
त्यस्तै, नोभेम्बर १, २०२५ देखि आप्रवासी भिसा आवेदकहरूलाई आफ्नो निवास स्थानको लागि तोकिएको कन्सुलर जिल्ला वा अनुरोध गरेमा आफ्नो नागरिकता देशमा अन्तर्वार्ता दिन अनिवार्य गरिएको छ। राष्ट्रिय भिसा केन्द्रले अब निवासको आधारमा सबै आप्रवासी भिसा अपोइन्टमेन्टहरूको समय तालिका निर्धारण गर्ने जनाइएको छ।
अपोइन्टमेन्ट तय भइसकेपछि आवेदकले आफ्नो केस नयाँ कन्सुलरसमक्ष स्थानान्तरण गर्न चाहेमा सीधै कन्सुलर सेक्सनलाई सम्पर्क नगर्न सुझाव दिइएको छ। यसका लागि राष्ट्रिय भिसा केन्द्रको सार्वजनिक सोधपुछ फारममार्फत अनुरोध गर्नुपर्ने छ। मानवीय वा चिकित्सकीय आपतकालीन अवस्था वा विदेश नीतिका कारणहरूमा मात्र दुर्लभ अपवादहरू अपनाउन सकिनेछ।
यो नयाँ निर्देशनले सामान्यतया पहिले नै तय भइसकेका अपोइन्टमेन्टहरूलाई रद्द वा पुनःतालिका गर्ने छैन। आवेदकहरूलाई विस्तृत जानकारी र अद्यावधिक सञ्चालन स्थितिका लागि सम्बन्धित दूतावास तथा वाणिज्य दूतावासका वेबसाइटहरू हेर्न सुझाव दिइएको छ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्