प्रकाशित मिति : मंसिर ८, २०८२ सोमबार
अमेरिकी पूर्व एफबीआई निर्देशक जेम्स कोमी र न्यु योर्कका एटर्नी जनरल लेटिशिया जेम्सविरुद्ध दायर गरिएका आपराधिक मुद्दाहरू खारेज भएका छन्।
न्यायाधीश क्यामेरोन करीले मुद्दा दायर गर्ने अभियोजक लिन्डसे ह्यालिगनको नियुक्ति अवैध भएको निष्कर्ष निकालेका कारण ती मुद्दाहरू नै खारेज हुने आदेश दिएकी हुन्।
करीले ट्रम्पले आफ्ना दुई राजनीतिक प्रतिद्वन्द्वीविरुद्ध मुद्दा चलाउन व्यक्तिगत रूपमा छानिएकी ह्यालिगन उक्त पद सम्हाल्न योग्य नै नभएको बताइन्।
कोमी र जेम्स दुवैले आफू निर्दोष रहेको बताएका छन् र ती अभियोगहरूलाई राजनीतिक प्रेरित भनिएको छ।
यो निर्णयपछि ह्वाइट हाउसले कोमी र जेम्सविरुद्धका अभियोगका तथ्यहरू नफेरिएको प्रतिक्रिया दिएको छ।
राष्ट्रपति डोनाल्ड ट्रम्पले लगातार कोमी र जेम्समाथि आक्रमण गर्दै आएका छन्।
निर्णयमा न्यायाधीश करीले ह्यालिगन पहिले कहिल्यै पनि अभियोजक नभएको उल्लेख गरेकी छिन्।
अदालतको निर्णयमा भनिएको छ: “ह्यालिगनको अवैध नियुक्तिबाट उत्पन्न भएका सबै कार्यहरू, कोमीको अभियोग दर्ता र हस्ताक्षर समेत, कार्यकारी शक्तिको गैरकानूनी प्रयोग हुन् र तिनीहरूलाई यसैसँग रद्द गरिन्छ।”
ह्यालिगनलाई एरिक सिबर्टको स्थानमा राखिएको थियो। सेप्टेम्बरमा ट्रम्प प्रशासनको दबाबबीच कोमी र जेम्सविरुद्ध मुद्दा दायर गर्न अस्वीकार गर्दै सिबर्टले राजीनामा दिएका थिए।
करीले ह्यालिगनको नियुक्ति अन्तरिम अमेरिकी अभिभाषक सम्बन्धी कानूनको उल्लङ्घन रहेको ठहर गरेकी छिन्।
उक्त कानूनअनुसार एटर्नी जनरलले १२० दिनभित्र अन्तरिम नियुक्ति गर्नुपर्छ। सिबर्टको नियुक्ति २१ जनवरीमा भएकाले १२० दिनको अवधि २१ मेमा सकिएको थियो।
त्यस अवधिपछि एटर्नी जनरलको अन्तरिम नियुक्ति गर्ने अधिकार सकिएकोले २२ सेप्टेम्बरमा गरिएको ह्यालिगनको नियुक्ति “अवैध” भएको करीले आदेशमा लेखिन्।
मुद्दालाई विना सर्त खारेज गरिएको हो। न्याय मन्त्रालयले चाहेमा पछि पुनः मुद्दा दर्ता गर्न सक्छ।
ह्वाइट हाउसकी प्रेस सचिव क्यारोलिन लेभिटले न्याय मन्त्रालयले कोमी र जेम्सका मुद्दा खारेजीविरुद्ध “चाँडै” अपिल गर्ने बताएकी छिन्।
उनले ह्यालिगनको नियुक्ति वैध रहेको दाबी गर्दै न्यायाधीशलाई “कोमी र जेम्सलाई जोगाउन खोजेको” आरोप लगाइन्।
कोमीलाई २०१६ को अमेरिकी राष्ट्रपतीय चुनावमा रुसको हस्तक्षेपबारे भएको अनुसन्धानको नेतृत्व गर्दा ट्रम्पले आफ्नो पहिलो कार्यकालमै बर्खास्त गरेका थिए।
पूर्व एफबीआई निर्देशक कोमीमाथि सेप्टेम्बरमा झुटा बयान र न्याय अवरुद्ध गर्ने आरोप लगाइएको थियो।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्