प्रकाशित मिति : भाद्र २४, २०८१ सोमबार
एप्पलले सोमबार आफ्नो वार्षिक कार्यक्रममा जेनेरेटिभ आर्टिफिसियल इन्टेलिजेन्सको लागि निर्मित पहिलो एप्पल स्मार्टफोन आईफोन १६ अनावरण गरेको छ ।
च्याट जीपीटीजस्तै जेनेरेटिभ एआईले भाषा प्रम्प्टहरूमा आधारित टेक्स्ट र तस्वीरहरु सिर्जना गर्दछ। एप्पलले आईफोन ग्राहकहरूलाई पहिले नै घोषणा गरेको एप्पल इन्टेलिजेन्स सफ्टवेयर नयाँ उपकरणमा कस्तो देखिन्छ भनेर देखाएको छ ।
एप्पलले लगानीकर्ताहरूलाई एआईको दौडमा पछाडि नपरेको विश्वास दिलाउन चाहेको देखिएको छ । यसले ग्राहकहरूलाई उनीहरूको फोन अपग्रेड गर्नको लागि प्रेरक कारण प्रदान गर्न खोजेको छ । एप्पलले एप्पल वाचमा अपडेटहरू पनि घोषणा गरेको छ भने नयाँ एयरपडहरू अनावरण गरेको छ । जसमा श्रवण सहायता सुविधा रहेको छ ।
आईफोन १६ प्रो लाइन गत वर्षका मोडेलहरू भन्दा शुन्य दशमलव २ इन्चले ठूलो रहेको छ भने १६ प्रो ६ दशमलव ३ इन्चको र प्रो म्याक्स १६ दशमलव ९ इन्चको रहेको छ । जसले प्रयोगकर्ताहरूलाई डिस्प्लेमा थप हेर्न र गर्न अनुमति दिन्छ। अहिलेसम्मको सबैभन्दा पातलो बोर्डर समावेश गरिएको छ भने विगतका कुनै पनि आईफोनको तुलनामा ब्याट्री सबैभन्दा लामो समयसम्म चल्नेछ । यो सेतो टाइटेनियम, गाढा टाइटेनियम, प्राकृतिक टाइटेनियम र खैरो रंगको डेजर्ट टाइटेनियममा उपलब्ध छ । आईफोन १६ प्रोको मूल्य ९९९ डलरबाट र प्रो म्याक्सको मूल्य ११९९ डलरबाट सुरु हुनेछ ।
त्यस्तै आईफोन १६ मा अद्यावधिक गरिएको क्यामेरासहित एउटा नयाँ साइड बटन समेत रहेको छ जसबाट तपाईंले एक हातले फोटो र भिडियोहरू खिच्न सक्नुहुनेछ ।
नयाँ आईफोन १६ को मूल्य ७९९ डलरमा सुरु हुनेछ भने आईफोन १६ प्लसको मूल्य ८९९ डलरबाट सुरु हुनेछ ।
एप्पलले घोषणा गरेको आईफोन १६ र १६ प्लसमा रिडिजाइन गरिएको क्यामेरा रहेको छ भने नयाँ क्यामेरा कन्ट्रोल बटन रहेको छ । पहिले प्रो मोडेलहरूमा मात्र पाइने एक्सन बटन पनि यसमा समावेश छ । फोनहरू नयाँ ईआई सुविधाहरूका लागि डिजाइन गरिएको एप्पलले जनाएको छ ।
आईफोन १६ मा ६ दशमलव १ इन्चको डिस्प्ले रहेको छ भने १६ प्लसमा ले ६ दशमलव ७ इन्चको डिस्प्ले रहेको छ । दुबै फोनहरु २ हजारसम्म अधिकतम ब्राइटनेस गर्न सक्षम छन्। फोनमा सिरेमिक शिल्ड डिस्प्ले पनि छ जुन विगतको भन्दा ५० प्रतिशत बढी कडा रहेको जनाइएको छ । यद्यपी सुरक्षाका लागि स्क्रिन प्रोटेक्टर लगाउन सकिनेछ । आईफोन १६ र १६ प्लस एप्पलको नवीनतम ए १८ चिपद्वारा संचालित छन्, जसले धेरै ब्याट्री बचाउँन्छ । यसपटक गत वर्षको प्रोसेसर भन्दा ३० प्रतिशतसम्म छिटो प्रोसेसर हालिएको छ ।
दुबै नयाँ आईफोनहरूमा क्यामेरा कन्ट्रोल बटन छ जसले फोटो खिच्न वा भिडियो खिच्नको लागि द्रुत रूपमा क्यामेरा सुरू गर्न सक्छ। लाइट प्रेसले जुम नियन्त्रणहरू ल्याउँछ । जुम इन वा आउट गर्न बायाँबाट दायाँ स्वाइप गर्नुपर्छ । बटन क्लिक गरेर होल्ड गर्नाले भिजुअल इन्टेलिजेन्स सुविधा सक्षम हुनेछ । गुगल लेन्समा जस्तै भिजुअल खोजले क्यामेराले देखाएको कुराको बारेमा वास्तविक जानकारी प्राप्त गर्न सकिन्छ ।
