प्रकाशित मिति : असार १०, २०८१ सोमबार
सर्लाही जिल्ला अदालतले रामबहादुर बम्जनलाई बाल यौन दुरुपयोगमा दोषी ठहर गरेको छ । न्यायाधीश जीवनकुमार भण्डारीको इजलासले बम्जनलाई दोषी ठहर गरेको हो ।
सरकारी अभियोजनकर्ताहरूले बम्जनलाई १२ देखि १४ वर्षको जेलसजाय माग गरेका छन्। पछिल्लो समय बमजन पुर्पक्षका लागि थुनामा रहँदै आएका छन्। सजाय भने पछि निर्धारण गरिनेछ । सजायका लागि असार १७ गते पेसी तोक्ने आदेश भएको छ ।
बमजन पुर्पक्षका लागि थुनामा रहँदै आएका छन्। उनलाई २०८० पुष २४ गते प्रहरीको केन्द्रीय अनुसन्धान ब्यूरोको टोलीले पक्राउ गरेको थियो ।
सर्लाहीको मुद्दाको फैसला भएसँगै उनलाई सिन्धुपाल्चोक, नुवाकोट र मकवानपुर जिल्ला अदालत पेस गरिने छ । यद्यपी तल्लो अदालतले दोषी ठहर गरेका बमजन फैसलाविरुद्ध उच्च अदालतमा पुनरावेदनका लागि जान भने सक्छन्। उनले आफूविरुद्धका आरोपहरू अस्वीकार गर्दै आएका छन्।
बमजनविरुद्ध चार जनालाई बेपत्ता बनाएको, एक जनाको हत्या गरेको र एक अनुयायीमाथि यौन हिंसा गरेको उजुरी परेको थियो।
