प्रकाशित मिति : आश्विन २६, २०८२ सोमबार
कर बर्ष २०२६ मा १९ हजार डलरसम्मको उपहारमा ट्याक्स नलाग्ने भएको छ । यो कर बर्ष २०२५ कै बराबर हो । २०२५ पनि यो रकम १९ हजार डलर नै रहेकोमा २०२६ का लागि बृद्धि गरिएको छैन । अर्थात् कुनै एक व्यक्तिलाई १९ हजार डलरसम्म उपहारमा दिएको ट्याक्स छुट लागु हुनेछ ।
वार्षिक छुट प्रत्येकलाई दिइने उपहारहरूमा लागू हुन्छ। अर्को शब्दमा यदि तपाईंले २०२५ वा २०२६ मा आफ्ना प्रत्येक बच्चाहरूलाई १९ हजार डलर दिनुभयो भने वार्षिक छुट प्रत्येक उपहारमा लागू हुन्छ। यो रकम २०२४ मा १८ हजार र २०२३ मा १७ हजार थियो ।
तर कर बर्ष २०२६ का लागि आईआरएसले अमेरिकी नागरिक नभएका पति वा पत्नीलाई हस्तान्तरण गर्दा वार्षिक उपहारमा ट्याक्स छुटमा २०२६ क्यालेन्डर वर्षमा बढाएर १ लाख ९४ हजार हुने पुष्टि गरेको छ। यो नयाँ सीमा २०२५ को लागि लागू गरिएको १ लाख ९० हजारबाट ४ हजार डलरले वृद्धि भएको छ।
यो सीमासम्मका उपहारहरू संघीय उपहार करको अधीनमा छैनन् । दाताले यो उपहारका लागि आईआरएस फारम ७०९ उपहार कर रिटर्न फाइल गर्न आवश्यक पर्दैन।सामान्यतया दाता नै उपहार कर तिर्न जिम्मेवार हुन्छ। विशेष व्यवस्था अन्तर्गत उपहार पाउने व्यक्तिले पनि कर तिर्न सहमत हुन सक्छ।
कुनै व्यक्तिलाई प्रत्यक्ष वा अप्रत्यक्ष रूपमा फिर्ता नहुने गरी प्रदान गर्ने कुनै पनि हस्तान्तरण उपहारका रुपमा गणना गरिन्छ । त्यो पैसा वा पैसाको मूल्यमा मापन गरिएको बस्तु समेत हुनसक्छ ।
कुनै पनि उपहार कर योग्य उपहार रहेको सामान्य नियम भए पनि यस नियममा धेरै अपवादहरू छन्। क्यालेन्डर वर्षको लागि वार्षिक छुट भन्दा बढी नभएका उपहारहरू, कसैको लागि तिर्ने ट्युसन वा चिकित्सा खर्च, अमेरिकी नागरिक रहेका पति पत्नीलाई उपहार, राजनीतिक संस्थालाई यसको प्रयोगको लागि उपहारहरू, योग्य परोपकारी संस्थाहरूलाई उपहारहरूमा ट्याक्स छुट लागु हुन्छ ।