प्रकाशित मिति : मंसिर ७, २०८२ आईतबार
अमेरिकाको शिकागो सहरमा भएको गोलीकाण्डमा एक जनाको मृत्यु भएको छ भने आठ जना घाइते भएका छन्।
साउथ डियरबोर्नमा दुई जनालाई गोली लागेको अवस्थामा भेटिएको थियो। तीमध्ये १४ वर्षीय बालकको नर्थवेस्टर्न मेमोरियल अस्पतालमा मृत्यु भएको प्रहरीले जनाएको छ। अर्का १८ वर्षका युवकको अस्पतालमा उपचार भइरहेको छ।
साउथ डियरबोर्न, शिकागो सहरको डाउनटाउन क्षेत्रभित्र रहेको एक महत्त्वपूर्ण सडक हो। यो शिकागोको प्रमुख उत्तर–दक्षिण चल्ने सडक हो, जसको साउथ डियरबोर्न भनिने भाग मडिसन स्ट्रिटभन्दा दक्षिणतिर पर्ने क्षेत्रलाई जनाउँछ।
महापौर जोन्सनका अनुसार पाँच वटा हतियार बरामद भएको छ र १८ जनालाई डाउनटाउन क्षेत्रबाट नियन्त्रणमा लिइएको छ। यद्यपि, पक्राउ परेकाहरू गोलीकाण्डमा संलग्न भएको पुष्टि हुन बाँकी छ।
क्रिस्टकिंडलमार्केटबाट निस्कने क्रममा गोली चलेको आवाज सुनेपछि त्यहाँ भएका मानिसहरू भागेका थिए। उत्सवको सिजन सुरु गर्ने कार्यक्रमका लागि हजारौँ मानिस लूप क्षेत्रमा भेला भएको अवस्थामा गोली चलेको प्रहरीले बताएको छ।
मिलेनियम पार्कमा भएको रूख बाल्ने कार्यक्रममा सहभागी भीड केहीबेरमै आतंकित बन्यो। सामूहिक गोलीकाण्ड शिकागो थिएटर बाहिर भयो भने हत्या फेडरल प्लाजाको नजिक भएको थियो।
महापौर जोन्सनले अनुसन्धान भइरहेका बेला भने, “उत्सवको सिजन हामी सबै एकत्रित हुने समय हो। हाम्रै सहरमा धेरै बन्दुकहरू छन्, र धेरै युवा आफ्नै जीवन वा अरूको जीवनको मूल्य बुझ्दैनन्।” पहिलो गोलीकाण्ड नर्थ स्टेटमा शिकागो थिएटर नजिक भएको हो।
पैदल गस्तीमा रहेका प्रहरी अधिकृतहरूले गोली चलेको सुनेपछि मानिसहरू भागेको देखेका थिए। त्यहाँ १३ देखि १७ वर्ष उमेरका बालक–बालिकाहरू घाइते भए।
अधिकारीहरूका अनुसार अधिकांशको खुट्टामा गोली लागेको छ र उनीहरूलाई विभिन्न अस्पतालमा उपचारका लागि लगिएको छ। यसै साता सामाजिक सञ्जालमा ‘टिन टेकओभर’ को चर्चा चलेको थियो।
यसै कारण, शिकागोका पब्लिक स्कूलहरूले अभिभावकलाई अनुगमन बिना कार्यक्रममा किशोरहरूलाई नपठाउन आग्रह गरेका थिए। वर्षौँदेखि लूप क्षेत्रमा निगरानीबिना एकै ठाउँमा ठूलो संख्यामा किशोर भेला हुँदा हुने समस्याबारे सहरमा बहस हुँदै आएको छ।
केही अधिकारीहरूले ३० मिनेटको सूचना दिई कर्फ्यु लगाउन अधिकार दिनुपर्ने तर्क गरेका छन्। तर, महापौर जोन्सनका सहयोगीहरू दक्षिण र पश्चिम शिकागोका युवाहरूलाई रोजगारी, कार्यक्रम र सुरक्षित स्थान उपलब्ध गराउनुपर्नेमा जोड दिन्छन्।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्