प्रकाशित मिति : मंसिर २९, २०८२ सोमबार
अमेरिकाको लस एन्जलसमा नयाँ वर्षको पूर्वसन्ध्यामा तय गरिएको आक्रमणको योजना विफल पारिएको अधिकारीहरूले दाबी गरेका छन्।
नयाँ वर्षको पूर्वसन्ध्यामा एक चरमपन्थी समूहले आक्रमणको योजना बनाएको उनीहरूको भनाइ छ। तर, यो योजनालाई संघीय निकायहरूले विफल पारेको अधिकारीहरूले बताएका छन्।
एफबीआई र लस एन्जलसका कानुन कार्यान्वयन निकायका अनुसार, ‘प्रोप्यालेस्टिनी र सरकारविरोधी समूह’ को शाखा मानिने ‘टर्टल आइल्याण्ड लिबरेसन फ्रन्ट’ का चार कथित सदस्यलाई दक्षिणी क्यालिफोर्नियाका कम्तीमा पाँच स्थानमा बम आक्रमणको योजना बनाएको आशङ्कामा पक्राउ गरिएको छ।
अधिकारीहरूका अनुसार, ती संदिग्धहरू गत हप्ता लस एन्जलसको पूर्वतर्फको मरुभूमिमा स्वनिर्मित विस्फोटक उपकरण परीक्षण गर्न जाँदै गर्दा पक्राउ परेका थिए।
एफबीआईले उक्त योजना विफल पारेको विश्वास गरेको छ। तर, अन्य सम्भावित संदिग्धहरूको पहिचानका लागि अनुसन्धान जारी रहेको जनाएको छ।
अमेरिकी महान्यायाधिवक्ता पाम बोन्डीले सम्बन्धित निकायहरूले “अतिवामपन्थी” चरमपन्थीहरूद्वारा गरिन लागेको “ठूलो र भयावह आतङ्कवादी योजना” रोक्न सफल भएको बताएकी छन्।
क्यालिफोर्नियाको केन्द्रीय अमेरिकी जिल्ला अदालतमा दायर अभियोगअनुसार ३० वर्षीया अड्री इलीन क्यारोल, ३२ वर्षीय जाखरी आरोन पेज, २४ वर्षीय डान्टे ग्याफिल्ड र ४१ वर्षीया टिना लाईमाथि षड्यन्त्र र दर्ता नभएको विनाशकारी उपकरण राखेको लगायतका अभियोग लगाइएको छ।
अधिकारीहरूका अनुसार, डिसेम्बर १२ मा उक्त समूह मरुभूमिको तर्फ “विस्फोटक बनाउन प्रयोग हुने प्रारम्भिक रसायन” लिएर गएको थियो। उनीहरूले ती सामग्री प्रयोग गरी बम बनाउन लागेको आशङ्का गरिएको छ।
जासुसी विमानले उनीहरूको गतिविधि खिचेको थियो र त्यसपछि लस एन्जलस एफबीआई स्वाट टोलीले एफबीआईसँग मिलेर चारै जनालाई पक्राउ गरेको जनाइएको छ।
योजनाअनुसार, नयाँ वर्षको पूर्वसन्ध्याको मध्यरातमा लस एन्जलस क्षेत्रमा रहेका दुई अमेरिकी कम्पनीका ‘लजिस्टिक केन्द्र’ भनिएका स्थानहरूमा विस्फोटक उपकरण राख्ने लक्ष्य थियो।
अभियोगपत्रअनुसार, समूहले जनवरी वा फेब्रुअरीमा इमिग्रेसन एन्ड कस्टम्स इन्फोर्समेन्टका एजेन्ट र सवारीसाधनलाई पाइप बम प्रयोग गरी आक्रमण गर्नेबारे पनि छलफल गरेको थियो।
लस एन्जलस प्रहरी प्रमुख जिम म्याकडोनेलले यो योजना सफलतापूर्वक विफल पारिनु संयुक्त प्रतिक्रियाको शक्तिशाली प्रमाण भएको बताएका छन्।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्