प्रकाशित मिति : पुस ८, २०८१ सोमबार
राष्ट्रिय स्वतन्त्र पार्टी (रास्वपा) का सभापति एवं सांसद रवि लामिछाने सांसद पदबाट निलम्बित हुनु भएको छ ।
संसद सचिवालयले सोमबार बेलुका सुचना निकाल्दै रवि लामिछानेको सांसद पद स्वत निलम्बित भएको बताएको हो ।
आइतबार उहाँविरुद्ध जिल्ला सरकारी वकिल कार्यालय कास्कीले सहकारी ठगी संगठित अपराध र सम्पत्ति शुद्धीकरणको तीनवटा मुद्दा दायर गरेको थियो।
जिल्ला प्रहरी कार्यालय कास्कीले सभामुख देवराज घिमिरेलाई आइतबार नै निलम्बन प्रयोजनका लागि जानकारी पत्र पठाएको थियो ।
सोमबार बसेको राष्ट्रिय स्वतन्त्र पार्टी (रास्वपा) को सचिवालय बैठकले कार्यवाहक सभापतिको जिम्मेवारी उपसभापति डोलप्रसाद (डीपी) अर्याललाई दिने निर्णय गरेको छ ।
पार्टी सभापति रवि लामिछानेद्वारा उपसभापति अर्याललाई कार्यवाहक सभापति तोकिएको व्यहोरा आजको सचिवालयको बैठकमा जानकारी गराइएको थियो ।
