प्रकाशित मिति : फाल्गुन २७, २०८१ मंगलबार
युक्रेनका राष्ट्रपति कार्यालयका प्रमुख एन्ड्री यर्माकले संयुक्त राज्य अमेरिका र युक्रेनबीचको वार्ता रचनात्मक रूपमा सुरु भएको बताएका छन्।
साउदी अरेबियाको जेद्दास्थित रिट्ज-कार्लटन होटलमा मंगलबार अमेरिकी टोलीसँगको बैठक सकारात्मक रूपमा सुरु भएको उनले बताएका हुन् । उनले भने, ‘हामी न्यायसङ्गत र स्थायी शान्ति स्थापना गर्न काम गरिरहेका छौँ।’
उक्त वार्तामा यर्माकसहित युक्रेनका विदेश मन्त्री, रक्षा मन्त्री र अन्य उच्च अधिकारीहरू सहभागी छन् । यस्तै, अमेरिकाको तर्फबाट विदेश मन्त्री मार्को रुबियो र राष्ट्रिय सुरक्षा सल्लाहकार माइक वाल्ट्ज छलफलमा उपस्थित छन् ।
