प्रकाशित मिति : जेष्ठ १८, २०८१ शुक्रबार
अमेरिकाकी पूर्व प्रथम महिला मिशेल ओबामाकी आमा मारियन रोबिन्सनको निधन भएको छ । रोबिन्सनको ८६ वर्षको उमेरमा निधन भएको हो । उनको आज बिहान शान्तिपूर्वक देहवशान भएको परिवारले जारी गरेको वक्तव्यमा जनाइएको छ ।
मिशेल र बराक ओबामा, क्रेग रोबिन्सन र उनकी पत्नी केली र मारियन रोबिन्सनका नातिनातिनाहरू एभरी, लेस्ली, मालिया, साशा, अस्टिन र आरोनका तर्फबाट वक्तव्य जारी गरिएको थियो । सन् २००८ को राष्ट्रपतीय निर्वाचनमा ज्वाइँ बराक ओबामा विजयी भएपछि रोबिन्सन अमेरिकामा पहिलो हजुरआमाको रूपमा चिनिएकी थिइन् ।
उनी आफ्नो आठ वर्षको कार्यालयमा ह्वाइट हाउसमा फिक्स्चर थिइन्, यद्यपि उनी कममात्र चर्चामा आइन् । उनी छुट्टीका कार्यक्रमहरू, कहिलेकाहीं विदेश यात्रा र पूर्वी कोठामा कन्सर्टमा भाग लिएपनि प्रायः उनी आफ्ना नातिनीहरू, साशा र मालियासँग थिइन्। मारियन रोबिन्सन ह्वाइट हाउसमा आफ्ना नातिनीहरूको हेरचाह गर्न मद्दत गर्न वाशिंगटन, डीसीमा सरेकी थिइन् ।
There was and will be only one Marian Robinson. In our sadness, we are lifted up by the extraordinary gift of her life. And we will spend the rest of ours trying to live up to her example. https://t.co/2gH0DPQYVb
— Barack Obama (@BarackObama) May 31, 2024
शिकागोमा आफ्नो सम्पूर्ण जीवन बिताएपछि रोबिन्सनले सन् २००९ मा ह्वाइट हाउसको निवासमा बसेर आफ्ना नातिनी हेरचाह गर्न मद्दत गर्न सहमत भएकी थिइन् । नातिनीहरु त्यतिबेला सात र १० वर्षका थिए।
उनले हजुरआमाको रूपमा आफ्नो भूमिकाको आनन्द लिएकी थिइन् । रबिन्सन १९३७ मा शिकागोमा जन्मिएकी थिइन् । उनको विवाह फ्रेजर रोबिन्सनसँग भएको थियो, जसको सन् १९९१ मा मल्टिपल स्क्लेरोसिसबाट मृत्यु भएको थियो ।
पूर्व राष्ट्रपतिले एक पटक आफ्नी सासूलाई आफूले चिनेको मध्ये सबैभन्दा साधारण व्यक्ति भएको बताएका थिए । मिशेल ओबामा आफ्नी आमासँग एकदमै नजिक थिइन् । सन् २००८ मा डेमोक्र्याटिक नेशनल कन्भेन्सनमा आफ्नी छोरीको परिचय दिने बायोग्राफिकल भिडियोमा रोबिन्सनले आवाज दिएकी थिइन् ।
