प्रकाशित मिति : मंसिर २१, २०८१ शुक्रबार
भूटानी नरेश जिग्मे खेसर नाम्गेल वाङचुक काठमाडौँ आइपुग्नुभएको छ । अनौपचारिक भ्रमणका सिलसिलामा उहाँ शुक्रबार बिहान काठमाण्डौ आइपुग्नु भएको हो ।
उहाँलाई परराष्ट्रमन्त्री डा आरजु राणा देउवाले त्रिभुवन अन्तर्राष्ट्रिय विमानस्थलमा स्वागत गर्नुभयो ।
भूटानी नरेश वाङचुकले स्वयम्भूनाथ र बौद्धनाथको दर्शन गर्नुहुने कार्यक्रम छ ।
भारतबाट स्वदेश फर्कने क्रममा उहाँ काठमाडौँमा हुनुहुन्छ । उहाँ आजै स्वदेश फर्कनुहुने परराष्ट्र मन्त्रालयले जनाएको छ ।
गृह मन्त्रालयले भुटानी राजाको उच्च सुरक्षा व्यवस्था कायम गरेको छ । उहाँको सुरक्षाका लागि तीनवटै सुरक्षा निकाय परिचालन गरिएको छ ।
भुटानी राजा दर्शनका लागि जाने बौद्धनाथ, स्वयम्भूनाथ र त्यस आसपासका क्षेत्रको सुरक्षा व्यवस्था कड बनाइएको छ ।
