प्रकाशित मिति : असार २५, २०८१ मंगलबार
स्पेन युरो कप फुटबल २०२४ को फाइनलमा पुगेको छ ।
फ्रान्सलाई बुधबार बिहान भएको खेलमा पराजित गर्दै स्पेन युरो कपको उपाधिनजिक पुगेको हो ।
म्युनिख फुटबल एरेनामा फ्रान्सलाई २–१ गोलअन्तरले पराजित गर्दै स्पेन उपाधिनजिक पुग्न सफल भएको हो ।
स्पेनलाई फाइनल पुर्याउन लामिन यमल र डानी ओल्मोले गोल गरे ।
फ्रान्सका लागि डिफेन्डर रान्डल कोलो मुआनीले गोल गरेपनि जितका लागि प्रयाप्त भएन ।
स्पेनले बुधबार राति हुने दोस्रो सेमिफाइनलअन्तर्गत इङ्ल्यान्ड र नेदरल्यान्ड्सबिचको विजेतासँग सोमबार बिहान उपाधिका लागि खेल्ने छ । जारी युरोकपमा स्पेन अपराजित छ।
समूह चरणमा इटाली, क्रोयशिया र अल्बानियालाई पराजित गर्दै समूह विजेता बनेर स्पेन अन्तिम १६ मा पुगेको थियो ।
अन्तिम १६ मा जर्जियामाथि ४ गोल गर्दै क्वाटरफाइनलमा पुगेको थियो ।
क्वाटरफाइनलमा जर्मनीलाई २-१ गोलले हराउँदै स्पेनले सेमिफाइनलमा फ्रान्ससँगको भेट पक्का गरेको थियो ।
