फिल्म ‘दान्भी’ मा अभिनेत्री पूजा शर्माको लुक्स सार्वजनिक भएकाे छ। फिल्ममा पूजाको एक्सन अवतार देख्न सकिन्छ।
फिल्म आगामी जेठ १० गतेबाट प्रदर्शनमा आउँदै छ। काठमाडौँमा फिल्मको अहिले गीत र एक्सनको दृश्यको छायाङ्कन भइरहेको छ।
फिल्ममा पूजाको अलवा कुन्साङ बोमजोम र किरण श्रेष्ठको पनि मुख्य भूमिका छ । रुपेश तामाङ यो फिल्मका निर्देशक हुन्।
एक्सनले भरिएको टिजर सार्वजनिक भएसँगै यो फिल्म चर्चामा छ। लभ स्टोरी फिल्ममा रूचाइएकी पूजा यो फिल्ममा एक्सन अवतारमा देखिदै छिन्।
प्रेमगीत, म यस्तो गीत गाउँछु, म यस्तो गीत गाउँछु २, रामकहानी जस्ता लभ स्टोरी फिल्ममा देखिएकी उनी पहिलो पटक एक्सन फिल्ममा देखिन लागेकी हुन्।
प्रकाशित: १९ चैत्र २०८० १५:०४ सोमबार