प्रकाशित मिति : जेष्ठ २७, २०८२ मंगलबार
DORAL, FLORIDA – JANUARY 27: U.S. President Donald Trump acknowledges the crowd as House Majority Whip Tom Emmer (R-MN) (L) and House Speaker Mike Johnson (R-LA) applaud after Trump addressed the 2025 Republican Issues Conference at the Trump National Doral Miami on January 27, 2025 in Doral, Florida. The three-day planning session was expected to lay out Trump’s ambitious legislative agenda. Joe Raedle/Getty Images/AFP (Photo by JOE RAEDLE / GETTY IMAGES NORTH AMERICA / Getty Images via AFP)
इजरायलका लागि अमेरिकी राजदूत माइक हक्काबीले भविष्यको प्यालेस्टाइनी राज्यका लागि ‘मुस्लिम देशहरूले आफ्नो भूमि दिनुपर्ने’ प्रस्ताव गरेका छन् ।
मुस्लिम देशहरू सँग इजरायलले नियन्त्रण गर्ने जमिनभन्दा ६४४ गुणा बढी भूभाग रहेको भन्दै उनले यदि साँच्चै प्यालेस्टाइनी राज्यको चाहना छ भने मुस्लिम देशहरु तयार हुनुपर्ने बताए । यदि उनीहरु तयार भएभने अमेरिकाले स्वागत गर्ने उनको दावी रहेको छ ।
हक्काबीले दुई राज्य समाधानको अवधारणाले कब्जामा लिइएको वेस्ट बैंक र गाजामा एउटा स्वतन्त्र प्यालेस्टाइनी राज्य बनाउने कल्पना गर्दछ, जसको राजधानी पूर्वी जेरुसेलम हुनेछ, र त्यो इजरायलसँगै अस्तित्वमा रहनेछ भनेका छन ।
यसअघि हक्काबीले अमेरिका अब स्वतन्त्र प्यालेस्टाइनी राज्यको लक्ष्य पछ्याइरहेको छैन भनेका थिए ।
तर अमेरिकी विदेश मन्त्रालयकी प्रवक्ता ट्यामी ब्रुसले पछि स्पष्ट पारिन् कि राजदूत हक्काबी ‘आफ्नै तर्फबाट बोलिरहेका’ हुन्, र अमेरिकी विदेश नीति राष्ट्रपति मार्फत तय हुन्छ भनेर प्रष्ट पारेकी थिइन ।
यसै महिनाको अन्त्यमा न्यूयोर्कस्थित संयुक्त राष्ट्रसंघमा फ्रान्स र साउदी अरबका कूटनीतिज्ञहरूले एउटा सम्मेलन आयोजना गर्दैछन् । जसले भविष्यको प्यालेस्टाइनी राज्यका लागि रोडम्याप तयार पार्ने उद्देश्य राखेको छ ।
हक्काबीले उक्त सम्मेलनलाई “असामयिक र अनुपयुक्त” भन्दै आलोचना गरे । उनले भने, “युरोपेली मुलुकहरूले युद्धको बीचमा यस्तो योजना थोपर्नु पूर्णतः भ्रमपूर्ण छ, जसले इजरायललाई अझ असुरक्षित बनाउनेछ।”
इजरायली सरकारले अन्तिम समाधान केवल प्यालेस्टाइनीहरूसँगको वार्ताबाटै आउन सक्छ र राज्य स्थापना पूर्वशर्त हुनु हुँदैन भनेको छ । हक्काबी पहिले पनि “ग्रेटर इस्रायल” अवधारणाका समर्थक रहँदै आएका छन् ।
जसले कब्जामा लिइएको प्यालेस्टाइनी भूभागमा स्थायी इजरायली नियन्त्रणको पक्ष लिन्छ । उनले वेस्ट बैंकलाई बाइबलीय नाम “जुडिया र समारिया” भनेर चिनाउने गरेका छन्।
गाजामा हाल जारी युद्ध अक्टोबर २०२३ मा हमासले इजरायलमाथि आक्रमण गर्दै करिब १ हजार २०० जनाको हत्या र २५१ जनालाई बन्धक बनाएपछि सुरु भएको हो।
हालसम्म हमासले गाजामा कम्तीमा ५४ हजार ९२७ प्यालेस्टाइनी मारिएको बताएको छ । जसमा संयुक्त राष्ट्रसंघका अनुसार एक चौथाइभन्दा बढी बालबालिका छन्।
हाल गाजामा ५६ जना इजरायली बन्धक रहेका छन् । जसमा कम्तीमा २० जनालाई जीवित मानिन्छ।