२५ चैत, काठमाडौं । निर्मला राईले चौथो मन्जुश्री ट्रेल रेसमा १०० माइल महिलातर्फको उपाधि जितेकी छन् ।
उनले १०० माइल दूरी ३४ घन्टा ५४ मिनेट ३० सकेन्डमा पूरा गर्दै च्याम्पियन बनिन् भने यसअघि अनिता राईले कायम गरेको कीर्तिमान पनि तोडिन् ।
यो रेस पूरा गर्न अनिता राईलाई ३६ घन्टाभन्दा बढी समय लागेको थियो । यसअघि कीर्तिमान राखेकी अनिताले यस पटक ३५ घण्टा ५७ मिनेट १९ सेकेण्डमा पूरा गर्दै दोस्रो भइन् । यस्तै ३९ घण्टा ३२ मिनेट २ सेकेण्डमा रेस पूरा गरेकी एनी फुर्बा शेर्पा तेस्रो भइन् ।
उक्त रेस नेपालको सबैभन्दा धेरै अन्तर्राष्ट्रिय ट्रेल रनिङ एसोसिएसनबाट आइटीआरए पोइन्ट पाउने रेसमध्ये एक हो ।
नेपालकै सबैभन्दा लामो ट्रेल रेसको रुपमा रहेको ‘मञ्जुश्री ट्रेल रेस’ अन्तर्गत १०० माइल पुरुषतर्फको उपाधि अर्जुन कुलुङ राईले जितेका छन् ।
यस्तै महिला १०० किमितर्फ पदमकुमारी सुनुवारले २३ घण्टा ५६ मिनेट २२ सेकेण्डमा दूरी पूरा गर्दै पहिलो भइन् ।
