प्रकाशित मिति : मंसिर २७, २०८२ शनिबार
(आधिकारिक होमल्याण्ड सेक्युरिटी तस्बिर/ ब्यारी बहलर)
अमेरिकाको यातायात सुरक्षा प्रशासन (टीएसए) ले सबै हवाई यात्रुहरूको नाम देशनिकालाको प्रयोजनका लागि अध्यागमन अधिकारीहरूलाई उपलब्ध गराइरहेको खुलासा भएको छ। देशनिकालाको आदेश पाएका व्यक्तिहरूलाई अमेरिकाबाट निकाल्न डाटा साझेदारीको प्रयोगलाई ठूलो मात्रामा विस्तार गरिएको जनाइएको छ। यसअनुसार, टीएसएले विमानस्थलमा यात्रा गर्ने यात्रुहरूको सूची अध्यागमन तथा भन्सार प्रवर्तन (आइस) लाई प्रदान गरिरहेको छ।
त्यसपछि आइसले आफ्नो निष्कासन आदेशमा परेका व्यक्तिहरूको डाटाबेससँग उक्त सूची मिलाएर ती व्यक्तिहरूलाई पक्राउ गर्न विमानस्थलमा एजेन्टहरू पठाउन थालेको छ। यस सहकार्यबाट कति पक्राउ परेका छन् भन्ने स्पष्ट छैन। तर, यही कार्यक्रमका कारण नोभेम्बर २० मा एक कलेज विद्यार्थीलाई बोस्टन लोगान विमानस्थलमा पक्राउ गरी दुई दिनपछि होन्डुरस निष्कासित गरिएको थियो।
अक्टोबरको अन्त्यमा साल्भाडोरकी एक महिलालाई साल्ट लेक सिटी विमानस्थलमा पक्राउ गरिएको थियो, उनीसँग पनि देशनिकालाको अन्तिम आदेश थियो। एउटा क्षेत्रमा यस कार्यक्रमबाट नाम पत्ता लागेका मध्ये ७५ प्रतिशत मामिलामा पक्राउ गरिएको जनाइएको छ।
आइसले विगतमा आन्तरिक यात्रामा हस्तक्षेप गरेको थिएन। तर, विमानस्थल सुरक्षा र अध्यागमन एजेन्सीबीच मार्चमा गोप्य रूपमा सुरु भएको यो साझेदारी ट्रम्प प्रशासनको अमेरिकी इतिहासकै सबैभन्दा ठूलो निष्कासन अभियान चलाउने राष्ट्रपतिको लक्ष्य पूरा गर्न संघीय एजेन्सीहरूबीच सहयोग र सूचना आदानप्रदान बढाउने पछिल्लो उपाय बनेको छ। विभाग अफ होमल्यान्ड सेक्युरिटीकी प्रवक्ता ट्रिसिया म्याक्लाग्लिनले देशमा अवैध रूपमा बसिरहेकाहरूले हवाई यात्रा गर्नुको एकमात्र कारण घर फर्कनु हो भन्ने चेतावनी दिएकी छन्।
एयरलाइनका यात्रुहरू लामो समयदेखि केही संघीय निगरानीको अधीनमा छन्। सामान्यतया उडान रिजर्भ गरेपछि एयरलाइनहरूले यात्रुको जानकारी टीएसएलाई उपलब्ध गराउँछन्। उक्त जानकारीलाई राष्ट्रिय सुरक्षा डाटाबेसहरूसँग मिलाइन्छ, जसमा ज्ञात वा शंकास्पद आतङ्ककारीहरूको निगरानी सूची समावेश छ। तर, यसअघि यसमा आन्तरिक आपराधिक वा अध्यागमन मामिलाहरू समावेश हुँदैनथ्यो।
अब देशनिकालाको आदेश पाएका यात्रुहरूले अमेरिकामा आन्तरिक उडान गर्दा समेत पक्राउ पर्ने खतरा रहनेछ। त्यसैले आप्रवासी अधिकारकर्मीहरूले पहिल्यै देशनिकालाको आदेश पाएकालाई अमेरिकाभित्र आन्तरिक उडान नगर्न सुझाव दिएका छन्।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्