प्रकाशित मिति : पुस १४, २०८१ आईतबार
दक्षिण कोरियाको मुआन अन्तर्राष्ट्रिय विमानस्थलमा आइतबार बिहान जेजु एयरको विमान दुर्घटना हुँदा १२४ जनाले ज्यान गुमाएका छन्। उक्त विमानमा १८१ जना सवार थिए, जसमा १७५ यात्रु र ६ चालक दलका सदस्य थिए।
दक्षिण कोरियाको दमकल विभागका अनुसार दुर्घटनामा ज्यान गुमाउने संख्या १२४ पुगेको जनाएको हो ।
उक्त विमान बैंककबाट दक्षिण कोरिया फर्किरहेको थियो। विमान अवतरणका क्रममा विमानस्थल नजिकै दुर्घटनामा परेको बताइएको छ।
दक्षिण कोरियाका कार्यवाहक राष्ट्रपति चोई साङ मोक दुर्घटनास्थलमा पुगेका छन् । उनले उद्धार कार्यमा आवश्यक जनशक्ति, स्वास्थ्य सेवा र उपकरणहरूको व्यवस्थापन गर्न निर्देशन दिएका हुन् ।