प्रकाशित मिति : पुस २३, २०८१ मंगलबार
अमेरिकाको दक्षिणी क्यालिफोर्नियामा तीव्र गतिमा डढेलोले फैलिएको छ । डढेलोले धेरै क्षेत्रलाई क्षति पुराएको छ । यो डढेलो तीव्र हावाको आँधीले चलाएको हो ।
डढेलोका कारण केहि घरहरु नष्ट भएका छन । करिब ३० हजार बासिन्दालाई सुरक्षित स्थानमा सारिएको छ ।
डढेलोले अझै बिकराल रुप लिनसक्ने अधिकारीहरुले चेतावनी जारी गरेका छन । अधिकारीहरूले चेतावनी दिए कि सबैभन्दा खराब स्थिति अझै आउन बाँकी छ।
लस एन्जलसको पश्चिममा रहेको तटीय क्षेत्र प्यासिफिक प्यालिसेड्सका बासिन्दाहरू भाग्न खोज्दा सनसेट बुलेभार्डमा लामो ट्राफिक जाम भयो ।
यस क्षेत्रमा करिब २४ हजार मानिस र धेरै सेलिब्रेटीहरू बस्छन् ।
बुधबार दिउँसोसम्म दक्षिणी क्यालिफोर्नियाले एक दशकभन्दा बढी समयपछि भोगेको सबैभन्दा ठुलो आँधी थियो । यो आँधीको बेग १०० माइल प्रतिघण्टाको थियो ।
आगलागी भएको क्षेत्रको दक्षिणपूर्वमा रहेको एउटा पहाडी बस्तीमा धुवाँको ठूलो पर्खाल आकाशमा फैलिएको देखिन्थ्यो ।
डढेलोले टेमेस्कल क्यानियन नजिकका पहाडहरूमा तीव्र गतिमा फैलिएको छ ।
यो डढेलोको गम्भीरता र यसले ल्याएको कठिनाइहरूले क्यालिफोर्नियाको आपतकालीन व्यवस्थापनलाई पुन विचार गर्न बाध्य गराएको छ ।