प्रकाशित मिति : पुस १०, २०८२ शुक्रबार
फोटो : रासस
युक्रेनी राष्ट्रपति भोलोदिमिर जेलेन्स्कीले अमेरिकी राष्ट्रपति डोनाल्ड ट्रम्पसँग भेट गर्ने भएका छन्। रुस-युक्रेन युद्ध अन्त्यका लागि भइरहेका कूटनीतिक प्रयासहरूको एक महत्त्वपूर्ण चरणका रूपमा यस भेटलाई हेरिएको छ। यो भेट आगामी आइतबार अमेरिकाको फ्लोरिडामा हुने तय भएको बताइएको छ।
जेलेन्स्कीका अनुसार भेटमा अमेरिकाले मध्यस्थता गरिरहेको शान्ति योजना र युक्रेनका लागि आवश्यक अमेरिकी सुरक्षा ग्यारेन्टीबारे छलफल हुनेछ। यद्यपि, रुसका एक वरिष्ठ अधिकारीले भने अमेरिकासँग रुसले गरिरहेको छलफलको योजना युक्रेनले उल्लेख गरेको भन्दा “पूर्ण रूपमा फरक” रहेको बताएका छन्।
रुसले वार्तामा “सुस्त तर स्थिर प्रगति” भइरहेको दाबी गरेको छ। युक्रेनले पूर्वी डोनबास क्षेत्रबाट सेना फिर्ता गर्ने प्रस्ताव राखेमा रुसले पनि सोही कदम चाल्नुपर्ने जेलेन्स्कीको भनाइ छ, जसमा रुसले हालसम्म कुनै औपचारिक प्रतिक्रिया दिएको छैन।
सन् २०२२ फेब्रुअरीमा रुसले युक्रेनमाथि पूर्ण सैन्य आक्रमण सुरु गरेको थियो। हाल रुसले डोनेत्स्क क्षेत्रको करिब ७५ प्रतिशत र लुहान्स्क क्षेत्रको लगभग ९९ प्रतिशत भू-भाग नियन्त्रणमा लिएको छ। यी दुई क्षेत्रलाई संयुक्त रूपमा डोनबास भनिन्छ।
युक्रेनले शान्ति सम्झौताका लागि अमेरिकाबाट ठोस सुरक्षा सुनिश्चितता खोजिरहेको छ। जेलेन्स्कीले रुसको कब्जामा नरहेको डोनबासका केही भागलाई असैनिक “स्वतन्त्र आर्थिक क्षेत्र” बनाउने विकल्प समेत अघि सारेका छन्।
पत्रकारहरूसँग कुरा गर्दै जेलेन्स्कीले आफ्नो २० बुँदे शान्ति योजना ९० प्रतिशत पूरा भइसकेको दाबी गरे। तर, ट्रम्पले भने, “मेरो स्वीकृतिबिना केही हुँदैन,” भन्दै अन्तिम निर्णय आफ्नै हातमा रहने सङ्केत दिएका छन्। ट्रम्पले चाँडै नै रुसी राष्ट्रपति भ्लादिमिर पुटिनसँग पनि कुराकानी गर्ने अपेक्षा गरिएको छ।
यस वर्ष जेलेन्स्की र ट्रम्पबीच पटक-पटक भेटवार्ता भइसकेको छ। फेब्रुअरीमा ह्वाइट हाउसमा भएको पहिलो भेट तनावपूर्ण रहे पनि अक्टोबरको भेट भने अपेक्षाकृत सकारात्मक देखिएको थियो।
ह्वाइट हाउसले पूर्वी युक्रेनमा दुवै पक्षले सेना नखटाउने गरी असैनिक क्षेत्र बनाउने प्रस्ताव अघि सारेको छ। साथै, रुसको नियन्त्रणमा रहेको युरोपकै सबैभन्दा ठूलो जापोरिज्झिया परमाणु ऊर्जा केन्द्रबाट उत्पादित बिजुली युक्रेन र रुसले बाँडफाँड गर्ने प्रस्ताव समेत गरिएको छ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्