प्रकाशित मिति : चैत्र १८, २०८१ सोमबार
अमेरिकामा रहेर अपराधिक गतिविधिमा सम्लग्न भएको आरोपमा १७ जनालाई देश निकाला गरिएको छ । उनीहरुलाई देश निकाला गर्दै ट्रम्प प्रशासनले एल साल्भाडोर फर्काएको अमेरिकी विदेश मन्त्रालयले पुष्टि गरेको छ ।
ट्रेन डे अरेगुआ र एमएस १३ ग्याङका सदस्यहरू देश निकालामा पर्ने सुचिमा समावेश रहेका अमेरिकी विदेश मन्त्री मार्को रुबियोले बताएका छन ।
एल साल्भाडोरका सरकारी अधिकारीहरूले अमेरिकाबाट निकालिएकाको समूहमा भेनेजुएला र एल साल्भाडोरका नागरिकहरू रहेको बताएका छन ।
यहि महिनाको सुरुमा अदालतले एलियन एनिमी एक्ट अन्तर्गत गरिएको फिर्ता प्रक्रिया रोक्न आदेश दिएको थियो । यो १७९८ को कानूनी प्रावधान हो ।
युद्धको समयमा मात्र यसलाई प्रयोग गरिएको थियो । तर पछिल्ला देश निकालाका घटना सामान्य आप्रवासन कानूनको आधारमा गरिएको सरकारी अधिकारीहरुले बताएका छन ।
रुबियोले देश निकाला गरिएका व्यक्तिहरुको समूहमा हत्या गर्ने र बलात्कार गर्ने अपराधीहरू समावेश भएको बताए ।
एल साल्भाडोरका राष्ट्रपति नयिब बुकेलले हातमा हात समाएका पुरुषहरू विमानबाट उचालिएका र उनीहरूको टाउको कपाल काटिएको देखाइएको भिडियो सेयर गरेका थिए ।
डिर्पोट गरिएका सबै व्यक्तिहरू प्रमाणित हत्यारा र उच्च प्रोफाइलका अपराधी भएको बताइएको छ ।
ति मध्ये छ जना बाल बलात्कारीहरू समावेश रहेका रुबियोको पोष्टमा लेखिएको छ । उनका अनुसार यो अपरेशन आतंकवाद र संगठित अपराधको विरुद्धको लडाइँमा अर्को कदम हो।
एल साल्भाडोरले फिर्ता गरिएका व्यक्तिहरूलाई जेलमा राखे वापत ६ मिलियन डलर सट्टामा पाउने सहमति गरेको छ।
ट्रम्पले यस महिनाको सुरुमा १०० भन्दा बढी भेनेजुएलनहरूलाई अमेरिकीबाट निकाल्दा अमेरिकी नागरिक स्वतन्त्रता संघ जस्ता समूहहरूले कानूनी चुनौती दिएका थिए ।