प्रकाशित मिति : मंसिर ८, २०८२ सोमबार
राष्ट्रपति डोनाल्ड ट्रम्पसँग विवाद भएपछि कंग्रेस सदस्यबाट राजीनामा दिने घोषणा गरेकी चर्चित रिपब्लिकन नेतृ मर्जोरी टेलर ग्रिनले विशेष निर्वाचनमा कसैलाई पनि समर्थन नगर्ने घोषणा गरेकी छिन्।
उनले आफूलाई प्रतिस्थापन गर्न हुने विशेष निर्वाचनमा कसैलाई समर्थन नदिने घोषणा गरेकी हुन्।
उनको यो घोषणाले उनलाई मन परेको उम्मेदवार र राष्ट्रपति डोनाल्ड ट्रम्प समर्थक उम्मेदवारबीच हुनसक्ने टकरावलाई जोगाएको छ।
ग्रिनले सामाजिक सञ्जाल एक्स मा लेख्दै जनवरीमा कंग्रेस छोडेपछि हुने जर्जियाको १४ औँ कंग्रेसनल जिल्लाको विशेष निर्वाचनमा आफू तटस्थ रहने स्पष्ट पारिन्।
जिल्लाप्रतिको सम्मानका कारण कंग्रेसनल सिटका लागि हुने विशेष निर्वाचनमा कसैलाई समर्थन नगर्ने निर्णय लिएको उनको भनाइ छ। उनको तटस्थताले ट्रम्पका सहयोगीहरूलाई आफ्नो रोजाइको उम्मेदवार अघि बढाउन मार्ग खुला गरेको छ।
यो क्षेत्र निकै रिपब्लिकन झुकाव भएको जिल्लामा पर्छ, जहाँ ग्रिनले २०२४ मा २८ अंकको फराकिलो अन्तरले जित हात पारेकी थिइन्।
कंग्रेस छोड्ने आफ्नो आकस्मिक निर्णयको घोषणा गर्दा ग्रिनले राष्ट्रपति ट्रम्पसँग अब दूरी बढेको उल्लेख गरेकी थिइन्। उनले ट्रम्प–समर्थित उम्मेदवारसँग “घृणायुक्त र पीडादायी प्राथमिक चुनाव” भिड्नु नपरोस् भन्ने चाहनाले पनि आफूले राजीनामा गर्ने निर्णय गरेको बताएकी थिइन्।
विशेष निर्वाचन ग्रिनले आफ्नो पद त्यागेपछि मात्रै तालिकाबद्ध हुनेछ। जर्जिया कानूनअनुसार आदेश जारी भएको कम्तीमा ३० दिनपछि मात्र विशेष निर्वाचन हुन सक्छ।
जर्जियन रिपब्लिकन अधिकारीले विशेष निर्वाचन सम्भवतः मार्चमा हुने बताएका छन्।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्