प्रकाशित मिति : मंसिर ८, २०८१ शनिबार
क्यानडाका अधिकारीहरुले ट्रम्पको सामूहिक निर्वासन कार्यक्रमले अमेरिकामा रहेका कागजातविहीन आप्रवासीहरूको चाप क्यानडातर्फ बढ्नसक्ने अनुमानका साथ तयारी सुरु गरेका छन् । क्यानाडाका अधिकारीहरूले कागजातविहीन आप्रवासीहरूमा सम्भावित बढोत्तरीका लागि तयारी गरिरहेका छन् ।
क्यानाडाका अधिकारीहरूले गस्ती थप्ने, नयाँ सवारीसाधनहरू किन्ने र न्यूयोर्क राज्य तथा क्युबेक प्रान्तको बीचको सीमामा आपतकालीन रिसेप्सनहरु स्थापना गर्ने योजनाहरू बनाएका छन् । कयानडासँगको उत्तरी सीमानामा ट्रम्प प्रशासनमा नियुक्त हुने टम होमन सहितका व्यक्तिहरूको ध्यान समेत केन्द्रित छ।
उत्तरी सिमानामा सरोकारहरूले ट्रम्प प्रशासनको पहिलो र दोस्रो कार्यकालमा बसाइसराइको क्यानाडाको दृष्टिकोणमा मुख्य परिवर्तनलाईलाई जोड दिएको छ । पहिलो कार्यकालका समयमा क्यानाडाका प्रधानमन्त्री जस्टिन ट्रुडोले क्यानडामा शरणार्थीहरूलाई स्वागत भएको बताएका थिए । त्यतीबेला ट्रम्पले शरणसम्बन्धी नियमहरू कडा गर्दै थिए भने अमेरिकाको दक्षिणी सीमामा पारिवारिक बिछोड जस्ता नीतिहरू ल्याइरहेका थिए।
उत्पीडन, आतंक र युद्धबाट भाग्नेहरूलाई क्यानाडालीहरूले स्वागत गर्ने त्यतीबेला प्रधानमन्त्री जस्टिन ट्रुडोले बताएका थिए । तर अहिले क्यानाडाको मूडमा धेरै फरक आएको छ। महामारीको अन्त्य पछि थप कानुनी आप्रवासीहरूको आगमनले आवास जस्ता स्रोतहरू तनावपूर्ण बनाएको छ भने धेरै क्यानडालीहरुले ट्रुडोको सरकारलाई यसको दोष लगाएका छन् । क्यानडाले कानुनी अध्यागमनलाई उल्लेखनीय रूपमा सीमित गर्न कदम चालिरहेको छ।
यता ट्रम्प अध्यागमनमा थप आक्रामक बनेका छन् । उनले लाखौं गैरकानुनी आप्रवासीहरूलाई कारवाही र देशनिकाला गर्न चाहन्छन्। उनका सहयोगीहरूले क्यानाडाको उत्तरी सीमालाई नियन्त्रण नगरेकोमा आलोचना गरेका छन्, जहाँ यस समरमा क्यानडाबाट अमेरिकामा कागजातविहीन आप्रवासीहरूको आगमन रेकर्ड उच्च छ।
क्यानाडाका अधिकारीहरूले उनीहरूले सीमालाई सुदृढ गरिरहेको र ट्रम्पको कारवाहीबाट बच्न क्यानाडा प्रवेश गर्ने प्रयास गर्ने आप्रवासीहरूलाई देशनिकाला गर्ने बताइरहेका छन् । रोयल क्यानेडियन माउन्टेड पुलिसले थप कर्मचारीहरू, थप सवारी साधनहरू र थप हिरासत तथा प्रशोधन केन्द्रहरुको योजना बनाएको छ ।
क्यानाडाली अधिकारीहरूले शरण खोज्न क्यानाडामा प्रवेश गरेका मानिसहरूलाई फिर्ता पठाउन दुई देशहरू बीचको एक प्रमुख सम्झौताको अपेक्षा पनि राखेका छन् । सम्झौताले क्यानाडा र अमेरिकालाई सुरक्षित तेस्रो देशहरूको रूपमा तोकेको छ जहाँ शरण दाबीहरू गर्न सकिन्छ । त्यसैले जब शरण खोज्नेहरु एक देशबाट अर्को देशमा जान्छन्, उनीहरूलाई केही अपवादहरू बाहेक फिर्ता पठाउन सकिन्छ।