प्रकाशित मिति : जेष्ठ २७, २०८१ आईतबार
आईसीसी टी–२० विश्वकपमा भारतले पाकिस्तानलाई जीतको लागि १२० रनको लक्ष्य दिएको छ ।
अमेरिकाको न्यूयोर्कस्थित नसाउ काउन्टि इन्टरनेशनल क्रिकेट स्टेडियममा टस हारेर पहिला ब्याटिङमा उत्रेको भारतले १९ ओभरको खेलमा सबै विकेट गुमाउँदै अलआउट भयो।
भारतका लागि ऋषभ पन्तले सर्वाधिक ४२ रन बनाए । उनी बाहेक कुनै पनि ब्याट्सम्यानले २० रनको अंक पार गर्न सकेनन् । पूरा टोली १९ ओभरमा ११९ रनमा अलआउट भयो।
वर्षाका कारण ढिलो सुरु भएको यो खेलमा भारतले पावरप्लेमा २ विकेट गुमाएर ५० रन बनाएको थियो तर त्यसपछि १३ ओभरमा ६९ रन मात्रै बनाउन सकेको थियो ।
पाकिस्तानका नसिम शाहले ३ विकेट लिए । मो. आमिरले १५ औं ओभरमा ऋषभ पन्त र रविन्द्र जडेजाको विकेट लिएर भारतलाई ब्याकफुटमा धकेले।
