प्रकाशित मिति : असार ७, २०८१ शुक्रबार
आईआरएसले जालसाजीको समिक्षा जारी राख्दा सामाजिक सञ्जालमा आउने गलत सल्लाहहरुको बाढी कायम रहेको चेतावनी दिदै सामाजिक सञ्जालमा आउने गलत सल्लाहमा भर परेर ठूलो रिफण्डको लागि दावी गरेकाहरु जालसाजी र घोटालामा पर्नसक्ने आईआरएसले चेतावनी दिएको छ । भ्रामक सल्लाहको भर परेर आवेदकहरुले ईन्धन कर क्रेडिट, बिरामी र परिवार विदा क्रेडिट, घरेलु रोजगार करहरूको लागि झूटा दावीहरू पेश गरेको आईआरएसले जनाएको छ ।
आइआरएसले करमा जालसाजी र सामाजिक सञ्जालमा आउने सल्लाहहरूको श्रृंखलाको बारेमा निरन्तर चिन्ताहरू जारी राख्दै हालै उपभोक्ता सतर्कता पनि जारी गरेको थियो । आईआरएसले सामाजिक सञ्जालका गलत जानकारीमा भर परेर पेश गरिएका हजारौं संदिग्ध दावीहरू देखेको र यसबारे छानविन गरिरहेको जनाएको छ । करदाताहरूले यी दावीहरूलाई समर्थन गर्न वैध कागजातहरू देखाउनको लागि आवश्यक भएको समेत आईआरएसले जनाएको छ ।
यी जालहरूमा फसेका करदाताहरूका लागि उनीहरूले आफ्नो योग्यता प्रमाणित गर्न चरणहरू पछ्याउन आवश्यक हुन्छ । केही करदाताहरूले कडा आर्थिक जरिवाना, सम्भावित अनुगमन लेखा परीक्षण वा अनुचित दाबीको लागि आपराधिक कारबाही पनि सामना गर्नसक्ने आईआरएसले जनाएको छ । आईआरएसले मानिसहरूलाई दिशानिर्देशहरू समीक्षा गर्न, एक विश्वसनीय कर तयारीकर्तासँग कुरा गर्न र केही अवस्थामा सम्भावित दण्डहरूबाट बच्न अयोग्य रहेको दाबीहरू हटाउनको लागि संशोधित रिटर्न फाइल गर्न प्रोत्साहित गरेको छ ।
सामाजिक सञ्जालका पोष्टहरूले धेरै झूटा र भ्रामक दावीहरूलाई निरन्तरता दिएको आईआरएस आयुक्त ड्यानी वेर्फेलले बताएका छन् । यी खराब दावीहरू आईआरएसको जालसाजी समीक्षा प्रक्रियाको क्रममा समातिएका उनले बताएका छन् । त्यस्ता करदाताले विस्तृत समीक्षा प्रक्रिया र लामो सम्भावित पर्खाइको सामना गर्नुपर्ने आयुक्तको भनाई छ ।
आईआरएसले खासगरी तीन प्रकारका जालजासीहरु पहिचान गरेको छ। ईन्धन कर क्रेडिट अफ हाइवे व्यवसाय र खेती प्रयोगको लागि डिजाइन गरिएको हो। करदाताहरूलाई क्रेडिटको लागि योग्य हुनको लागि एक व्यावसायिक उद्देश्य र फार्म चलाउने वा उड्डयन पेट्रोल खरिद जस्ता एक योग्य व्यापार गतिविधि चाहिन्छ। धेरै करदाताहरू यो क्रेडिटको लागि योग्य छैनन्।
बिरामी बिदा र पारिवारिक बिदाको लागि क्रेडिट महामारीको समयमा सन् २०२० र २०२१ को लागि स्वरोजगार व्यक्तिहरूको लागि उपलब्ध छ । यो क्रेडिट २०२३ को ट्याक्स रिटर्नको लागी उपलब्ध छैन। तर करदाताहरूले गलत रूपमा यो क्रेडिटका लागि दावी गरेको पाइएको आईआरएसले जनाएको छ ।
त्यस्तै घरेलु रोजगार करहरू दावी गर्न कतिवउ करदाताहरूले काल्पनिक घरेलु कर्मचारीहरू बनाएको आईआरएसले जनाएको छ । उनीहरूले कहिल्यै भुक्तान नगरेको झूटा बिरामी र पारिवारिक चिकित्सा बिदाको ज्यालामा आधारित रिटर्न दाबी गर्न घरेलु रोजगार करहरू फाइल गरेको आईआरएसको भनाई छ ।
यी अनुचित दाबीहरू सामाजिक सञ्जालमा गलत सल्लाहरु शेयर गरिएका कारण बढेको आयुक्त वेर्फेलले बताएका छन् । यी तीन क्रेडिटहरू दावी गर्नु अगाडि ट्याक्स रिटर्नको होसियारीपूर्वक समीक्षा गर्न र एक विश्वसनीय कर पेशेवरको सल्लाहमा भर पर्न आईआरएसले सुझाव दिएको छ । नक्कली तयारीकर्ता वा सामाजिक सञ्जालमा भर नपर्न समेत आईआरएको चेतावनी छ ।
धेरै दावीहरूको शंकास्पद प्रकृतिलाई ध्यानमा राख्दै आईआरएसले करदाताहरूको रिफण्ड रकम फ्रिज गरेको जनाएको छ। यी समस्याहरू समाधान गर्न करदाताहरूले धेरै विशिष्ट चरणहरू पछ्याउनुपर्दछ। रिफण्डहरु फ्रिज भएका करदाताहरुले आईआरएसबाट थप जानकारीको लागि सोध्ने धेरै पत्रहरू मध्ये एउटा प्राप्त गर्नेछन्।
प्रारम्भमा करदाताहरूले उनीहरूको पहिचान प्रमाणित गर्न आग्रह गरेको पत्र प्राप्त गर्न सक्छन् । यी अवस्थाहरूमा यदि उनीहरूले फाइल गरेको रिटर्नमा प्रश्न उठेमा उनीहरूले आफ्नो कर रिटर्न सही छ कि छैन भनेर समीक्षा गर्नुपर्छ। उदाहरणका लागि उनीहरु तीन क्रेडिटहरू मध्ये एकको लागि योग्य भए नभएको जाँच गर्नुपर्छ । तपाईको ट्याक्स फाइल गरिदिने व्यक्तिले ट्याक्स रिटर्नमा हस्ताक्षर गरे नगरेको पनि जाँच्नुपर्छ । यदि हस्ताक्षर नगरेको भएमा करदातालाई बहकाइएको हुनसक्नेबारे रेड फ्लाग हुने आईआरएसको भनाई छ ।
यी क्रेडिटहरू अनुचित रूपमा दाबी गर्ने करदाताहरूले अझै पनि आफ्नो पहिचान प्रमाणित गर्न आवश्यक छ। एक पटक करदाताको पहिचान प्रमाणित गरिसकेपछि, तिनीहरूले अनुचित दाबी गरिएको क्रेडिट हटाउनको लागि आफ्नो कर रिटर्न परिमार्जन गर्न आवश्यक पर्दछ। करदाताले प्रमाणीकरण नगरेसम्म र मूल रिटर्नको प्रक्रिया पूरा नभएसम्म संशोधित रिटर्न स्वीकार गरिने छैन।
प्रारम्भिक रूपमा आफ्नो पहिचानको बारेमा पत्र प्राप्त गर्ने धेरै करदाताहरूले उनीहरूले दाबी गरेको क्रेडिटहरूको लागि उनीहरू वास्तवमै योग्य छन् भनी देखाउन थप कागजातहरूका लागि थप पत्र प्राप्त गरिरहेका हुन सक्छन्। व्यक्तिगत रूपमा आफ्नो पहिचान प्रमाणित गर्ने करदाताहरूले यी पत्रहरू प्राप्त गर्न सक्छन्। करदाताहरू जसले अझै आफ्नो पहिचान प्रमाणित गरेका छैनन् र थप कागजातहरूको लागि सोध्ने यी पत्रहरू मध्ये एउटा प्राप्त गर्छन्, उनीहरुले आईआरएसको पछिल्लो पत्रमा दिइएको सल्लाह पालना गर्नुपर्छ।
यी क्रेडिटहरूको लागि योग्य हुने वैध करदाताहरूले उनीहरूले थप कागजात पेश गर्न सक्छन्। तर यी क्रेडिटहरूका लागि योग्य नहुने व्यक्तिहरूले गलत दावी फाइल गरेकोमा प्रति रिटर्न ५ हजार डलरसम्मको जरिवानाको सामना गर्ने जोखिम हुन्छ। गलत दाबी पेश गर्ने करदाताहरूले लेखापरीक्षणको जोखिम पनि सामना गर्छन्। जानीजानी नक्कली कर रिटर्न दाखिल गर्नेहरूले सम्भावित आपराधिक अभियोगको पनि सामना गर्छन्।
जरिवाना र सम्भावित फलो अप कारबाहीबाट बच्न गलत रूपमा ट्याक्स फाइल गर्ने करदाताहरूले तुरुन्तै सच्याएर सही कर रिटर्न पेश गर्न सुझाव दिइएको छ । खराब दावीहरूका कारण सम्पूर्ण रिफण्ड रकम फ्रिज गरिएको आईआरएसले जनाएको छ।
