प्रकाशित मिति : असार २६, २०८१ बुधबार
उरुग्वेलाई हराउदै कोलम्बिया कोपा अमेरिका कप फुटवलको फाइनलमा पुगेको छ ।
बिहिबार बिहान सम्पन्न भएको दोश्रो सेमिफाइनलमा १४ पटकको कोपा कप बिजेता उरुग्वेलाई १-० को गोल अन्तरले हराउदै कोलम्बियाले उपाधिमाथी दावेदारी प्रस्तुत गरेको हो ।
कोलम्बिया २३ वर्षपछि कोपाको फाइनलमा पुगेको हो ।
खेलको ३९ औ मिनेटमा जेफर्सन लेर्माले गरेको गोल नै कोलम्बियालाई फाइनलमा पुराउन निर्णायक बन्यो ।
पहिलो हाफको अन्तिममा डेनियल मुनोजले रातो कार्ड पाएपछि दोस्रो हाफभरी कोलम्बिया १० जना खेलाडीमा सीमित थियो ।
खेल अवधिभर उरुग्वेले कोलम्बियालाई दबाबमा राखे पनि गोल गर्न भने सकेन ।
अब कोलम्बियाले उपाधिका लागि अर्जेन्टिनाको सामना गर्नुपर्नेछ ।
साबिक बिजेता अर्जेन्टिना २-० ले क्यानडालाई हराउदै फाइनलमा पुगेको हो ।
फाइनल खेल असारको ३१ गते सोमबार हुनेछ ।