प्रकाशित मिति : पुस ११, २०८१ बिहीबार
गाजामा ५ जना पत्रकार मारिएका छन । इजरायली हवाई हमलामा ५ पत्रकार मारिएको प्यालेस्तिनी टिभी च्यानलले बताएको छ । गाजा स्ट्रिपको मध्यभागमा भएको हवाई हमलामा उनीहरु मारिएका हुन ।
उनीहरू अलअव्दा अस्पताल बाहिर पार्क गरिएको कुद्स टुडेको भ्यानमा थिए । जहाँ एक पत्रकारकी पत्नी बच्चा जन्माउने तयारीमा थिइन् ।
च्यानलले आफ्नो ट्विटरमा एक भिडियो पोस्ट गरेको छ जसमा जलिरहेको सवारीसाधन देखाइएको छ, जसको पछाडि प्रेस लेखिएको थियो।
इजरायली हवाई सेनाले गाजा स्ट्रिपमा सशस्त्र समूह प्यालेस्तिनी इस्लामिक जिहाद PIJ का सदस्यहरू भएको सवारीलाई आक्रमण गरेको बताएको छ ।
कुद्स टुडे च्यानल PIJ समूहसँग सम्बद्ध छ । ७ अक्टोबर २०२३ मा इजरायलमाथि हमासको नेतृत्वमा भएको आक्रमणमा उसले भाग लिएको बताइएको छ ।
हमास र इजरायलले एकअर्कालाई युद्धविराम प्रयासमा ढिलाइ गरिरहेको आरोप लगाइ रहेका छन ।
गत वर्षको हमास आक्रमणको जवाफमा इजरायली सेनाले गाजा स्ट्रिपमा हवाई आक्रमण र स्थल आक्रमण सुरू गरेको थियो।
यस आक्रमणमा लगभग १ हजार २०० जनाको मृत्यु भएको थियो ।
इजरायलको आक्रमणमा ४५ हजार भन्दा बढी प्यालेस्तिनीहरूको मृत्यु भएको गाजा स्वास्थ्य मन्त्रालयले जनाएको छ।
राष्ट्रसंघ अनुसार, लगभग दुई मिलियन प्यालेस्तिनी विस्थापित भएका छन्। जुन गाजाको जनसंख्याको ९० प्रतिशत हो ।