प्रकाशित मिति : फाल्गुन २२, २०८१ बिहीबार
अमेरिकी कम्पनीहरुमा साइवर आक्रमण गरेको आरोपमा १२ जना चिनियाँ नागरिकविरुद्ध मुद्धा दायर गरिएको छ । उनीहरुविरुद्ध अपराधिक आरोप लगाउदै अभियोजन समेत गरिएको छ ।
अमेरिकी कम्पनीहरू, सरकारी एजेन्सीहरू र नगरपालिका संस्थाहरूमा साइबर आक्रमण गरेको उनीहरु माथि आरोप रहेको छ ।
ती साइवर आक्रमणहरू मुनाफा कमाउने उद्देश्यका साथ गरिएको थियो । उनीहरुले लाखौं डलरको क्षति पुर्याएको आरोप छ ।
ह्याकरहरूको शिकार भएका व्यक्तिहरूमा चिनियाँ सरकारका अमेरिकी आलोचकहरू, एशियाली सरकारका विदेश मन्त्रालयहरू, र अमेरिकी संघीय तथा राज्य एजेन्सीहरू समावेश रहेका अमेरिकी न्याय मन्त्रालयले जनाएको छ । तीमध्ये केहीलाई पछिल्लो वर्ष मात्रै ह्याक गरिएको हो ।
राष्ट्रपति डोनाल्ड ट्रम्पको न्याय मन्त्रालय अन्तर्गत ल्याइएको पहिलो प्रमुख साइबर आक्रमणसम्बन्धी राष्ट्रिय सुरक्षा मुद्दा हो । यद्यपि यसको अनुसन्धान भने ट्रम्प कार्यालयमा आउनु भन्दा पहिले नै सुरु भएको थियो।
उनीहरुविरुद्धका अलग अलग आरोपपत्रहरू अमेरिकी डिस्ट्रिक्ट अफ कोलम्बिया र न्यूयोर्कको साउथर्न डिस्ट्रिक्टबाट जारी गरिएको हो । १२ जना आरोपित मध्ये कुनै पनि व्यक्तिहरूलाई अमेरिकी हिरासतमा लिइएको छैन।
अमेरिकी न्याय मन्त्रालयका अधिकारीले चीनको ह्याकर फोर हायर ईकोसिस्टम कुनै पनि मापदण्डले नियन्त्रण बाहिर गएको बताएका छन ।
अमेरिकी अधिकारीहरुले लगाएको आरोपलाई वाशिंगटन डीसीस्थित चिनियाँ दूतावासका प्रवक्ताले खण्डन गरेका छन ।
चीनले चिनियाँ कम्पनीहरू र नागरिकहरूको वैध अधिकार र चासोको सुरक्षा गर्न आवश्यक कदमहरू चाल्नेछ भनेर प्रवक्ता लियु पेंग्युले भनेका छन ।