प्रकाशित मिति : फाल्गुन १७, २०८१ शनिबार
अमेरिकी उपराष्ट्रपति जे डी भान्सका बिरुद्ध भर्मन्टमा बिरोध प्रर्दशन भएको छ ।
म्याड रिभर भ्यालीमा रहेको सुगरबुश रिर्सोटमा स्की यात्रा गरेपछि त्यहाँका वासिन्दाले भान्स र ट्रम्प प्रशासनका बिरुद्ध प्रर्दशन गरेका हुन । यो प्रर्दशन अहिलेसम्मकै ठूलो भएको दावी गरिएको छ ।
वेट्सफिल्डको म्याड रिभर ग्रीनको मुख्य सडकको किनारामा उभिएर स्थानीयले लोकतन्त्रको अवस्था, जलवायु परिवर्तन र एलजीबीटीक्यूं अधिकारसम्मका विभिन्न चिन्ताहरु लेखिएका प्ले कार्ड र नारा लेखिएका संकेत र झण्डा प्रस्तुत गरेका थिए ।
विरोध प्रर्दशनमा सहभागिहरुले भान्सलाई रुसप्रति नरम नीति लिएर युक्रेनविरुद्ध आक्रामक भएको आरोप लगाउदै रुसमै गएर स्की यात्रा गर्न सुझाव दिएका थिए ।
उनीहरुले आफुले सहयोग गरेको देशका प्रमुख भोलोदिमीर जेलेन्स्कीलाई अपमान गरेर अमेरिकाको विश्वमा नै ट्रम्प र भान्सले बेइज्जत गरेको आरोप लगाएका थिए । उनीहरुले युक्रेनप्रति सहानुभूति व्यक्त गरेका छन । रुसको भने कडा आलोचना गरेका थिए ।
इन्डिविजिबल क्यालाइस समूहकी जिनी सासम्यानले धेरै भर्मन्टवासीहरू ट्रम्प र भान्स प्रशासनको नीतिहरूका कारण डराएका बताइन । उनले अमेरिकाको ‘लोकतन्त्र संकटमा परेको’महसुस गरेकी छिन ।
इन्डिविजिबल म्याड रिभर भ्याली समूहका सदस्य तिसा रेनाउले ट्रम्प प्रशासनप्रति अमेरिकनहरुको असन्तुष्टि बढ्दै गएको बताए । संघीय कर्मचारी घटाउने , कर्मचारीहरुलाई निकाल्ने अनि आफु चाँही बिना मनाउन रिर्सोट जाने ? भनेर उनले प्रश्न गरेकी छन ।
ओभल घटनापछि अमेरिकीहरु क्रोधित भएको भन्दै उनले विरोध प्रर्दशनहरु बढ्दै जाने बताइन । बिरोधमा सहभागिहरुले रुसको विरोध र युक्रेनको समर्थनमा सम्वन्धि देशका झण्डाहरुका रंगहरु प्रर्दशन गरेका थिए ।
ट्रम्प र भान्स प्रशासनको एलजीबीटीक्यूं अधिकार र आप्रवासी नीतिहरूको बारेमा चिन्ता व्यक्त गर्दै वेट्सफिल्डको विरोधमा सामेल भएको कतिपयले भनेका छन ।
हरेक दिन, ट्रम्प भान्स प्रशासनले भर्मन्टवासीहरूलाई जोखिममा राख्दैछ र उनीहरूलाई दुख पुर्याइरहेको छ । यसले हाम्रो साझेदारहरू युक्रेनलाई पनि हानि पुर्याउँछ उनीहरुले भनेका छन ।