प्रकाशित मिति : आश्विन २६, २०८१ शनिबार
अमेरिकी उपराष्ट्रपति कमला ह्यारिसले आफू उत्कृष्ट स्वास्थ्यमाू रहेको बताउनु भएको छ ।
आफ्नो चिकित्सकबाट प्राप्त एउटा पत्र सार्वजनिक गर्दै उहाँले केही साना स्वास्थ्य समस्याहरू सफलतापूर्वक व्यवस्थापन गरिरहेको बताउनु भएको हो ।
ह्यारिसको अभियानले यस जानकारीलाई आफ्नो प्रतिद्वन्द्वीले स्वास्थ्य सम्बन्धी विवरण नदिएको कुरालाई फाइदा उठाउने प्रयास गरेको छ। किनकी अर्का प्रतिश्पर्धी डोनाल्ड ट्रम्पले आफनो पछिल्लो स्वास्थ्य बिवरण सार्बजनिक गर्नुभएको छैन ।
५९ वर्षीया ह्यारिसलाई मौसमसँग सम्बन्धित एलर्जी, हल्का नजिक देख्ने समस्या (नियरसाइटेडनेस) र छालामा हल्का उब्जिने समस्याहरू (हाइभ्स) छन । उहाँले ति समस्याहरुको औषधि र चिकित्सकको प्रेस्क्रिप्सनबाट उपचार गराइरहनु भएको छ ।
उपराष्ट्रपति का चिकित्सक जोशुआ आर सिमन्सले लेखेका पत्रमा ह्यारिसलाई शारीरिक र मानसिक रूपमा राष्ट्रपति पदको जिम्मेवारी पूरा गर्न सक्षम भनिएको छ।
उहाँले भन्नुभयो ह्यारिसमा मधुमेह, कोलेस्ट्रोल, मुटुको रोग, क्यान्सर, वा कुनै न्युरोलोजिकल समस्या छैन। यो जानकारी विशेषगरी पूर्व राष्ट्रपति डोनाल्ड ट्रम्पले आफ्नो स्वास्थ्य सम्बन्धी जानकारी नदिएको अवस्थामा सार्वजनिक भएको हो ।
७८ वर्षीय ट्रम्पले यस्ता आधारभूत स्वास्थ्य जानकारी सार्वजनिक गर्न अस्वीकार गर्नुभएको छ । यद्यपि राष्ट्रपति पदका उम्मेदवारहरूलाई आफ्नो स्वास्थ्य सम्बन्धी जानकारी सार्वजनिक गर्न कुनै बाध्यता छैन ।
चुनावको समयमा स्वास्थ्य रिपोर्टहरूलाई उमेदवारलाई सकारात्मक रूपमा चित्रण गर्न प्रयोग गरिन्छ। डाक्टर सिमन्सले ह्यारिसको पछिल्लो स्वास्थ्य परीक्षण अप्रिलमा भएको र उहाँले दैनिक रूपमा कडा शारीरिक अभ्यास गर्ने बताउनु भएको छ ।
हयारिसले ३० देखि ४५ मिनेट सम्मको कसरत गर्ने बताउनु भएको छ । अमेरिकामा नोभेम्वर ५ मा राष्ट्रपति पदको लागि चुनाव हुदैछ । उक्त चुनावमा ट्रम्प र हयारिसआम्नेसाम्ने हुनुहुन्छ ।
