प्रकाशित मिति : मंसिर ५, २०८२ शुक्रबार
अमेरिकाको स्टाइल आइकन प्रतियोगितामा क्वार्टरफाइनलमा पुगेका विशाल कार्की ।
अमेरिकाको स्टाइल आइकन प्रतियोगितामा न्युजर्सी निवासी विशाल कार्की क्वार्टरफाइनलमा पुगेका छन् । क्वार्टरफाइनलमा पुगेका उनी उच्च प्रतिस्पर्धाका साथ अनलाइन भोटिङ मार्फत अहिले दोश्रो स्थानमा रहेका छन् । नोभेम्बर १७ देखि अनलाइन भोटिङ सुरु भइसकेको छ भने नोभेम्बर २७ सम्म क्वार्टरफाइनलबाट उनलाई सेमीफाइनलमा अगाडि बढाउनका लागि भोट गर्न सकिनेछ । सेमिफाइनलबाट फाइनल हुँदै प्रतियोगीहरुले नेशनल टाइटल जित्नेछन् । प्रत्येक २४ घण्टामा एउटा निशुल्क भोट गर्न सकिनेछ भने थप भोटका लागि डोनेट गर्न सकिनेछ ।
विशाल कार्कीलाई जिताउन निशुल्क भोट हाल्न यहाँ क्लीक गर्नुहोला ।
विजेतालाई फ्लन्ट म्यागजिनमा समेत फिचर गरिनेछ भने २० हजार अमेरिकी डलर समेत जित्नेछन् । साथै विभिन्न फेशन शोहरुमा पनि भाग लिने अवशर मिल्नेछ । फ्लन्ट म्यागजिन अमेरिकाको लस एन्जलसमा स्थापित चर्चित फेसन म्यागजिन हो ।
न्युजर्सीको मोन्टक्लेयर स्टेट युनिभर्सिटीमा बिजनेस मेजरमा अध्ययनरत कार्कीले भीआईई एजेन्सीद्वारा प्रतिनिधित्व गर्ने कलाकार र मोडेलको रूपमा काम गर्दै आएका छन् । हालै उनलाई एल्टन जोन एड्स फाउन्डेसनलाई समर्थन गर्ने राष्ट्रव्यापी प्रतियोगिता कोलोसलको स्टाइल आइकनमा भाग लिनका लागि छनोट गरिएको थियो। यो पहलले देशभरका रचनात्मक व्यक्तिहरूलाई एचआईभी एड्सको रोकथाम, उपचार र विश्वव्यापी वकालतको लागि जागरूकता र कोष जुटाउने माध्यमको रूपमा फेसन प्रयोग गर्न एकसाथ ल्याउने गर्छ ।
मोडलिङ र अभिनय बाहेक विशाल सामुदायिक कार्यमा पनि सकृय रहेका छन् । उनले विशेष गरी खाँचोमा परेका बालबालिकाहरूलाई सहयोग गर्ने, महिलाहरूलाई सशक्तिकरण गर्ने र सामाजिक काममा समेत सघाउदै आएका छन् । यो प्रतियोगिताले आफूलाई जोशलाई रचनात्मकतासँग मिसाउन मद्दत गर्ने कार्कीले बताएका छन् । उनले न्यु जर्सीमा आधारित फोटोग्राफरहरूसँग सहकार्य गर्दै स्थानीय साना व्यवसायहरूका लुगा र सामानहरू प्रयोग गरेर स्टाइल बनाउँदै आएका छन् ।
२०२५ को स्टाइल आइकनको उपाधि जित्दा धेरै महत्त्वपूर्ण अवसरहरू प्राप्त हुनेछन् । विजेतालाई कोलोसलका सबै प्लेटफर्महरूमा प्रस्तुत गरिन्छ, जसले सिर्जनात्मक व्यक्तिहरू, ब्रान्डहरू, र परोपकारी साझेदारहरूको राष्ट्रव्यापी दर्शकहरूमाझ पुग्छ। जसका कारण एल्टन जोन एड्स फाउन्डेसनको मिशनको लागि थप प्रचार हुने हुँदा थप चन्दा र जागरूकता बढाउन मद्दत गर्दछ।
विजेताहरूले मिडिया कभरेज, व्यावसायिक विकासका अवसरहरू, र फेसन, मनोरञ्जन, र परोपकारी सहकार्यमा ढोका खोल्न सक्ने उद्योग स्तरको प्रचार प्राप्त गर्छन्। यसले न्युजर्सी र न्युयोर्कको नेपाली समुदायहरूको प्रतिभा, रचनात्मकता, र सांस्कृतिक उपस्थितिलाई राष्ट्रिय स्तरमा हाइलाइट गर्ने पनि कार्कीको विश्वास छ ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
उपहार प्रदान गर्न क्लीक गर्नुहोला
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।
मासिक डोनेसन गर्न यहाँ क्लिक गर्नुहोस्